പൊതുവിദ്യാലയത്തിന് മാതൃകയായ നീറ്റ് കേരള റാങ്ക് വിജയിക്ക് സ്നേഹാദരം

 പേരാമ്പ്ര:അഖിലേന്ത്യ നീറ്റ് എൻട്രസ് പരീക്ഷയിൽ  കേരളത്തിൽ ഒന്നാം റാങ്ക് ലഭിച്ച ദീപ്നിയ ഡി.പി.യെ പൊതു വിദ്യാഭ്യാസ വകുപ്പ് വിദ്യാരംഗം കലാ സാഹിത്യ വേദി പേരാമ്പ്ര ഉപജില്ല സമിതി സ്നേഹാദരം നൽകി.ഉപജില്ല വിദ്യാഭ്യാസ ഓഫീസർ കെ വി പ്രമോദ് ഉപഹാരം നൽകി ഉദ്ഘാടനം ചെയ്തു.

  ഹെഡ്മാസ്റ്റർ ഫോറം കൺവീനർ കെ..സജീവൻ അധ്യക്ഷത വഹിച്ചു. ബി.പി സി.കെ. ഷാജിമ,വിദ്യാരംഗം കോഡിനേറ്റർ വി.എം. അഷറഫ്, ഇ.കെ. സുരേഷ്, ബി.ബി. ബിനീഷ്, ജി. എസ്. സുജിന,ജി.കെ. അനീഷ് പി.എം. ശ്രീജീത്ത്,ജിതേഷ് പുലരി , ഇ .ഷാഹി, വി.കെ. സൗമ്യ, വേണുഗോപാൽ പേരാമ്പ്ര, കെ. സരിത, ഇന്ദുജ കെ. എന്നിവർ സംസാരിച്ചു.

  ഉപജില്ലയിലെ എല്ലാ സ്കൂളിൽ നിന്നും വാർഷിക സംഗമത്തിൽ വിദ്യാരംഗം കോഡിനേറ്റർമാർ പങ്കെടുത്തു. "എം.ടി. അക്ഷരോത്സവ "മാണ് തനത് പദ്ധതിയായി ഈ വർഷം ഉപജില്ലയിൽ നടപ്പാക്കുന്നത്.