ഉന്നത വിജയികൾക്ക് അനുമോദനവുമായി പ്രതിഭാ സംഗമം സംഘടിപ്പിച്ച് തണ്ടയിൽ താഴെ ഉമ്മൻ ചാണ്ടി ചാരിറ്റബിൾ സെൻ്റർ

  അരിക്കുളം: തണ്ടയിൽ താഴെ ഉമ്മൻ ചാണ്ടി ചാരിറ്റബിൾ സെൻ്റർ വിവിധ പരീക്ഷകളിൽ ഉന്നത വിജയം നേടിയ വിദ്യാത്ഥികൾ ക്കായി പ്രതിഭാ സംഗമം സംഘടിപ്പിച്ചു. എൽ എസ് എസ് , യു എസ് എസ് , എസ് എസ് എൽ സി, പ്ലസ് ടു പരീക്ഷകളിൽ മികച്ച വിജയം നേടിയവരെയാണ് അനുമോദിച്ചത്.

  കാരയാട് എ എൽ പി സ്കൂളിൽ നടന്ന അനുമോദന ചടങ്ങ് കെ എസ് യു സംസ്ഥാന സെക്രട്ടറി അർജുൻ കറ്റയാട്ട് ഉദ്ഘാടനം ചെയ്തു. പഠനകാലത്ത് വിദ്യാർത്ഥികൾ നേരിടുന്ന സാമൂഹിക സമ്മർദ്ദങ്ങളെ അതിജീവിക്കാനുള്ള വഴികാട്ടിയായി മാറാൻ സാംസ്കാരിക സംഘടനകൾക്ക് കഴിയണമെന്ന് അദ്ദേഹം പറഞ്ഞു.

  വ്യത്യസ്ത താൽപര്യങ്ങളുള്ള വിദ്യാർത്ഥികളെ ഒരേ പോലെ നടത്താനുള്ള ശ്രമം സമൂഹ ത്തിനുണ്ട്. വിദ്യാർത്ഥികളുടെ നൈപുണ്യങ്ങളെ തിരിച്ചറിഞ്ഞ് പരിപോഷിപ്പിക്കാൻ കഴിയണം. സവിശേഷതകൾ തിരിച്ചറിഞ്ഞ് അനുയോജ്യമായ വഴികളിലൂടെ പുതിയ തലമുറയെ നടത്തണം. ഒരു പാട് ദൂരം വഴി തെറ്റി നടന്നതിന് ശേഷം തിരിഞ്ഞു നടക്കേണ്ട ഗതികേട് വിദ്യാർത്ഥികൾക്കുണ്ടാ കരുതെന്നും അദ്ദേഹം പറഞ്ഞു.

   ചെയർമാൻ ശിവൻ എലവന്തിക്കര അധ്യക്ഷ വഹിച്ചു. കലാ- സാംസ്കാരിക പ്രവർത്തകൻ സനൽ അരിക്കുളം മുഖ്യ പ്രഭാഷണം നിർവഹിച്ചു. ബ്ലോക്ക് കോൺഗ്രസ് കമ്മിറ്റി പ്രസിഡൻ്റ് കെ പി രാമചന്ദ്രൻ മാസ്റ്റർ മുഖ്യാതിഥിയായിരുന്നു. കൺവീനർ കെ എം ബഷീർ, ചീഫ് കോഓർഡിനേറ്റർ ഹാഷിം കാവിൽ, സി മോഹൻദാസ്,നാറാണത്ത് അമ്മദ് ഹാജി, പി കെ കെ ബാബു, അമ്മത് എടച്ചേരി, സജിത എളമ്പിലാട്ട്, കെ എം നിഖില, യു എം ഷിബു, മനോജ് എളമ്പിലാട്ട് എന്നിവർ സംസാരിച്ചു.