തച്ചൻകുന്ന് ഭാവന കലാവേദി വൈക്കം മുഹമ്മദ്‌ ബഷീർ അനുസ്മരണം സംഘടിപ്പിച്ചു

പയ്യോളി: തച്ചൻകുന്ന് ഭാവന കലാവേദിയുടെ ആഭിമുഖ്യത്തിൽ വൈക്കം മുഹമ്മദ്‌ ബഷീർ അനുസ്മരണം സംഘടിപ്പിച്ചു. ലൈബ്രറി കൗൺസിൽ പയ്യോളി മേഖലാ സമിതി ചെയർമാൻ പി.എം. അഷ്‌റഫ്‌ ഉദ്ഘാടനം നിർവ്വഹിച്ചു. യുവകവിയും അക്ഷര കോളേജ് പ്രിൻസിപ്പാളുമായ ടി. നാരായണൻ പള്ളിക്കര ബഷീർ അനുസ്മരണ പ്രഭാഷണം നടത്തി. 

      മേഖലാ സമിതി കൺവീനർ കെ. ജയകൃഷ്ണൻ അദ്ധ്യക്ഷനായിരുന്നു. ഡിവിഷൻ കൗൺസിലർ ഷഫീഖ് വടക്കയിൽ, ടി. ചന്ദ്രൻ, ഷിജോഷ് കെ.കെ., സംസാരിച്ചു. വിദ്യാർത്ഥിയായ സിനോവ ബഷീർ കഥകളുടെ ആസ്വാദനകുറിപ്പ് അവതരിപ്പിച്ചു.