റാണി പബ്ലിക്ക് സ്കൂളിൻ്റെ ടോപ്പേഴ്സ് ഡേ നാളെ ഷാഫി പറമ്പിൽ ഉദ്ഘാടനം ചെയ്യും

 വടകര:റാണി പബ്ലിക്ക് സ്കൂളിൻ്റെ ടോപ്പേഴ്സ് ഡേയും വിരമിച്ച അധ്യാപകർക്കുള്ള യാത്രയയപ്പും, റാണി സ്കോളർഷിപ്പ് പ്രോഗ്രാമിൻ്റെ ഉദ്ഘാടനവും (One Lakh worth Scholarship awards to plus one students) നാളെ (ശനിയാഴ്ച) രാവിലെ 11 മണിക്ക് നടക്കുമെന്ന് ഭാരവാഹികൾ പത്രസമ്മേളന ത്തിൽ അറിയിച്ചു. ഷാഫി പറമ്പിൽ എം.പി ഉദ്ഘാടനം ചെയ്യും. പി.ടി.എ പ്രസിഡണ്ട് സബീഷ് കുന്നങ്ങോത്ത് ചടങ്ങിൽ അധ്യക്ഷത വഹിക്കും.

  സ്കൂളിലെ പൂർവ്വ വിദ്യാർത്ഥി വടകര BMH ആശുപത്രിയിലെ എമർജൻസി വിഭാഗം മേധാവി ഡോ: ഷമീൽ ഉസ്മാൻ മൊയ്തു മുഖ്യാഥിതി ആയിരിക്കും.പത്ത്, പന്ത്രണ്ട് ക്ലാസ്സുകളിൽ തുടർച്ചയായി 100%വിജയം റാണി നേടിയിട്ടുണ്ട് .വടകര സഹോദയ കോംപ്ലെക്സിലെ ഇരുപത്തി മൂന്നു സ്കൂളുകളിൽ വച്ച് പത്താം ക്ലാസ്സിൽ റാണിയിലെ ഇന്ദുലേഖ. കെ, നിയ റെജിൽ എന്നീ വിദ്യാർഥിനികളും, പ്ലസ്ടു ക്ലാസ്സിൽ കൊമ്മേഴ്‌സിൽ സിദ്ദാ ഷംസുദ്ധീനും,ടോപ്പേസ് സ്ഥാനം കരസ്ഥമാക്കി. പ്ലസ്ടു സയൻസിൽ അദ്വൈത് എസ്. എച്ച് റാണി ടോപ്പർ സ്ഥാനത്തെത്തി.പത്തു കുട്ടികൾക്ക് വിവിധ വിഷയങ്ങളിൽ 100%മാർക്കു ലഭിച്ചിട്ടുണ്ട് .  

 സി. ബി. എസ്. സി യുടെ carte blanche സ്കൂൾ പ്രോഗ്രാമിന് കോഴിക്കോട് ജില്ലയിൽ നിന്ന് തെരെഞ്ഞെടുക്കപ്പെട്ട ഒരേയൊരു സ്കൂൾ റാണിയാണ്. 2015ൽ ആരംഭിച്ച അടൽ ടിങ്കറിങ് ലാബ് റാണിയിൽ മികച്ച രീതിയിൽ നടന്നുവരുന്നു. റോബോട്ടിക്സും, എ. ഐയും പാഠ്യ പദ്ധതിയിൽ ഉൾപ്പെടുത്തി രണ്ടാം ക്ലാസ്സുമുതൽ പരിശീലനം നൽകുന്നു. പഠനത്തോടൊപ്പം പാഠ്യേതര വിഷയങ്ങളിലും റാണി മുൻനിരയിൽ ആണ്.ജൂഡോ കരാട്ടെ,സ്കേറ്റിങ്, നീന്തൽ, ചെസ്സ്, തുടങ്ങിയവയിൽ പരിശീലനം നൽകി വരുന്നു.സി. ബി. എസ്. ഇ സൗത്ത് സോൺ ജൂഡോ മത്സരത്തിൽ റാണി ചാമ്പ്യൻ ഷിപ് നേടി.പത്താം ക്ലാസ്സ് വിദ്യാർത്ഥി മുഹമ്മദ്‌ മാസിൻ ഗോൾഡ് മെഡലും,12ആം ക്ലാസ്സ് വിദ്യാർത്ഥി മുഹമ്മദ്‌ ഹസ്സൻ സിൽവർ മെഡലുo കരസ്ഥമാക്കി.

  ഇരുപത് സ്കൂളുകളെ പങ്കെടുപ്പിച്ച് വടകര സഹോദയ ഓഗസ്റ്റ് 9ന് നടത്തിയ ഐ, ടി ഫെസ്റ്റിൽ റാണി ഓവറോൾ ചാമ്പ്യൻ ഷിപ് നേടിയിട്ടുണ്ട് . ലോക ഭക്ഷ്യ ദിനത്തിൽ ഫുഡ്‌ ക്വിസ് മത്സരത്തിൽ അഖിലേന്ത്യാ തലത്തിൽ തുടർച്ചയായി ഏഴു വർഷം ഒന്നാം സ്ഥാനത്തെത്തി. വിക്രം സാരഭായ് ഫൗണ്ടേഷൻ നടത്തിയ 100 GENII മത്സരത്തിൽ ഇന്ത്യയിൽ നിന്ന് പങ്കെടുത്ത നൂറു പേരിൽ റാണിയിലെ ആര്യൻ ലിബിൻ ഒന്നാം സ്ഥാനം കരസ്ഥമാക്കി.ഇന്ത്യയിലും, വിദേശത്തും, ഐ, ഐ, ടി, എയിംസ്, പ്രമുഖ ഗവേഷണ സ്ഥാപനങ്ങൾ, പ്രശസ്ത യൂണിവേഴ്സിറ്റികൾ, എന്നിവിടങ്ങളിലെല്ലാം റാണിയിലെ ധാരാളം പൂർവ വിദ്യാർഥികൾ അവരുടെ മികവ് തെളിയിച്ചിട്ടുണ്ട്.ലൗസി തോമസ്,നിഷ സി , പ്രസീത പി.കെ എന്നീ അധ്യാപർക്കാണ് യാത്രയയപ്പ് നൽകുന്നത്.

  പത്രസമ്മേളനത്തിൽ പി.ടി എ പ്രസിഡണ്ട് സബീഷ് കുന്നങ്ങോത്ത് പ്രിൻസിപ്പൽ ഗീതലക്ഷ്മി സത്യനാഥൻ , വൈസ് പ്രസിഡണ്ട് അനു സി, സ്കൂൾ മാനേജ്മെൻ്റ് സെക്രട്ടറി വി.ആർ പ്രതാപ് ,മെമ്പർ രമ്യ സ്വരൂപ്, കെ.കെ സുധീർ ബാബു എന്നിവർ പങ്കെടുത്തു.