സംസ്കാര പാലിയേറ്റീവ് കെയർ നമ്പ്രത്ത്കര ;പുതിയ വാഹനത്തിൻ്റെ താക്കോൽ കൈമാറ്റ ചടങ്ങ് നടത്തി

 നമ്പ്രത്ത്കര: കിടപ്പുരോഗികൾക്ക് ആശ്വാസമേകിക്കൊണ്ട് കഴിഞ്ഞ 14 വർഷക്കാലമായി നമ്പ്രത്ത്കര യിൽ പ്രവർത്തിച്ചു കൊണ്ടിരി ക്കുന്ന സംസ്കാര പാലിയേറ്റീവ് കെയറിൻ്റെ ഹോം കെയർ ആവശ്യത്തിന് വേണ്ടി മലബാർ ഗ്രൂപ്പിന്റെ ഉടമകളിൽ ഒരാളായ ജനാബ് എ കെ ഫൈസൽ സ്പോൺസർ ചെയ്ത പുതിയ വാഹനത്തിൻ്റെ താക്കോൽ കൈമാറ്റ ചടങ്ങ് നമ്പ്രത്ത്കരയിൽ നടന്നു.

  കൺവീനർ മൊയ്തീൻ സ്വാഗതം പറഞ്ഞ ചടങ്ങിൽ ചെയർമാൻ  കെ. പി. ശങ്കരൻ അധ്യക്ഷത വഹിച്ചു. എക്സ് സർവീസ് അരിക്കുളം - കീഴരിയൂർ പഞ്ചായത്ത് രക്ഷാധികാരി സുകുമാരൻ നായർക്ക് വൈശാഖ് താക്കോൽ കൈമാറി കൊണ്ട് ചടങ്ങ് ഉദ്ഘാടനം നിർവ്വഹിച്ചു.

 കെ സി രാജൻ, അമൽ സരാഗ കിപ്പ് മേഖലാ സെക്രട്ടറി അബ്ദുറഹ്മാൻ , പി. ഭാസ്കരൻ, പ്രശാന്ത് പി, അരുൺ ജി. എന്നിവർ ആശംസകൾ അർപ്പിച്ചു സംസാരി ച്ചു. ജോയിൻറ് കൺവീനർ സിദ്ദീഖ് പി. കെ. നന്ദി രേഖപ്പെടുത്തി.