ആവള മാനവ വനിതാ വേദി ലഹരിക്കെതിരെ ബോധവൽക്കരണ ക്ലാസ് സംഘടിപ്പിച്ചു

ആവള: മാനവ വനിതാ വേദിയുടെ ആഭിമുഖ്യത്തിൽ ആവളയിൽ ലഹരി വിരുദ്ധ ബോധവൽക്കരണ ക്ലാസ് സംഘടിപ്പിച്ചു. മാനവ കലാവേദി ഓഡിറ്റോറിയത്തിൽ നടന്ന പരിപാടിയിൽ വടകര അസിസ്റ്റന്റ് എക്സൈസ് ഇൻസ്പെക്ടർ സി.കെ. ജയപ്രസാദ് ക്ലാസ്സെടുത്തു. മാനവ വനിതാ വേദി പ്രസിഡൻ്റ് എൻ.പി. പ്രസന്ന അദ്ധ്യക്ഷയായി. 

     കലാവേദി പ്രസിഡൻ്റ് രവി പി. അരിക്കൻ, സി.എം. ഗംഗാധരൻ, പി.സി. കുഞ്ഞമ്മത് എന്നിവർ ആശംസകൾ അർപ്പിച്ചു സംസാരിച്ചു. വനിതാ വേദി സെക്രട്ടറി അനുശ്രീ എസ്.ആർ. സ്വാഗതവും ഷീന കെ.കെ. നന്ദിയും പറഞ്ഞു.