ജി.എം.എൽ.പി. സ്കൂൾ നടുവണ്ണൂർ ടാലന്റ് എക്സാം വിജയികളെ അനുമോദിച്ചു

നടുവണ്ണൂർ: ജി.എം.എൽ.പി. സ്കൂൾ നടുവണ്ണൂർ പി.ടി.എയുടെ ആഭിമുഖ്യത്തിൽ നടക്കുന്ന പ്രീ പ്രൈമറി ക്ലാസ്സിലെ ടാലന്റ് പരീക്ഷയിൽ വിജയം കരസ്ഥമാക്കിയ വിദ്യാർത്ഥികളെ അനുമോദിച്ചു. ബാലുശ്ശേരി ബ്ലോക്ക് പഞ്ചായത്ത് വൈസ് പ്രസിഡൻ്റ് ഫാത്തിമ ഷാനവാസ് ഉദ്ഘാടനം ചെയ്തു. വാർഡ് മെമ്പർ സാജിറ അനസ് അദ്ധ്യക്ഷയായി.

     നടുവണ്ണൂർ ഗ്രാമപഞ്ചായത്ത് മെമ്പർ മുഹമ്മദലി ചാത്തോത്ത് മുഖ്യതിഥിയായി. ഹെഡ്മിസ്ട്രസ് സിന്ധു എം.കെ., ഷൈജു കെ., റസിയ പി., ലിൻസി ഇ.എം., സൂര്യ എസ്., ഹസ്‌നത് മൊയ്‌ദു പി., ജുവൈരിയ കെ.വി. എന്നിവർ സംസാരിച്ചു. പി.ടി.എ. പ്രസിഡന്റ് വിനീഷ് കൊയക്കാട് സ്വാഗതവും സ്റ്റാഫ് സെക്രട്ടറി കെ. മുബീർ നന്ദിയും പറഞ്ഞു.