നിർമ്മാണത്തിലെ അപാകത പാടിക്കുന്ന് കായണ്ണ റോഡ് തകർന്നു.

           കായണ്ണ.  റോഡ് പണി പൂർത്തിയാകും മുമ്പ് പാടികുന്ന് കായണ്ണ റോഡ് ഇടിഞ്ഞു താന്നു. .പാടിക്കുന്ന് കള്ളുഷാപ്പിന് സമീപത്ത് ടാറിംഗ് ചെയ്ത ഭാഗം ഇടിഞ്ഞു താന്നു. കാപ്പുമുക്ക്, കായൽ മുക്ക് ഭാഗങ്ങളിൽ ഓട നിർമ്മിക്കാത്തതിനാൽ റോഡിന്റെ വശങ്ങൾ മഴ വെള്ള കുത്തഴുക്കിൽ വലിയ കുഴികൾ രൂപപ്പെട്ടിട്ടുണ്ട്. നിർമ്മാണത്തില അപാകതയാണ് കാരണമെന്ന് നാട്ടുകാർ പറഞ്ഞു. ഇത് നിർമ്മാണ സമയത്ത് ശ്രദ്ധയിൽ പെടുത്തിയതാണ്.

      കൂട്ടാലിട കൂരാചുണ്ട് സംസ്ഥാന പാതയിലെ പാടി കുന്ന് ജംങ്ഷൻ മുതൽ കായണ്ണ പഞ്ചായത്ത് ഓഫീസ് വരെ 4.25 കിലോമീറ്റർ 5 കോടി രൂപ ചെലവിലാണ് നിർമ്മാണം നടക്കുന്നത്. പൊതു മരാമത്ത് വകുപ്പ് ഫണ്ട് ഉപയോഗിച്ചു നിർമ്മിക്കുന്ന റോഡിന്റെ അപാകതകൾക്കെതിരെ നാട്ടുകാർ ആക്ഷൻ കമ്മിറ്റി ഉണ്ടാക്കിയിട്ടുണ്ട്.