പേരാമ്പ്ര ബൈപ്പാസിൽ അപകടം

പേരാമ്പ്ര: പേരാമ്പ്ര ബൈപ്പാസ് പൈതോത്ത് റോഡ് ജംഗ്ഷനിൽ കാറുകൾ തമ്മിൽ കൂട്ടിയിടിച്ച് അപകടം. ഇന്ന് ഉച്ചക്കാണ് അപകടം നടന്നത്. കോഴിക്കോട് ഭാഗത്ത് നിന്നും വരുന്ന കാറും പൈതോത്ത് ഭാഗത്തു നിന്നും വരുന്ന കാറും തമ്മിലാണ് ഇടിച്ചത്. ബൈപ്പാസ് ജംഗ്ഷനുളിൽ സിഗ്നൽ സംവിധാനം ഇല്ലാത്തതിനാൽ പല വാഹനങ്ങളും അശ്രദ്ധമായാണ് റോഡ് മുറിച്ച് കടക്കുന്നത്. ഇത് അപകടം ക്ഷണിച്ചു വരുത്തുന്നു. ബൈപ്പാസ് തുറന്നതിൽ പിന്നെ ഇതുവരെ നിരവധി അപകടങ്ങൾ ജംഗ്ഷനുകളിൽ നടന്നിട്ടുണ്ട്. പരിക്കേറ്റവരെ അടുത്തുള്ള സ്വകാര്യ ആശുപത്രിയിൽ എത്തിച്ചു.