ബ്ലോക്ക് ദുരന്ത നിവാരണ സേനയ്ക്ക് എൻ ഡി ആർ എഫ് പരിശീലനം

ബാലുശ്ശേരി: ബാലുശ്ശേരി ബ്ലോക്ക് പഞ്ചായത്തിന് കീഴിലുള്ള ദുരന്ത നിവാരണ സേനയ്ക്ക് എൻ ഡി ആർ എഫിൻ്റെ പരിശീലകരുടെ നേതൃത്വത്തിൽ ട്രെയിനിംഗ് നല്കി. ഇൻസ്പെക്ടർ പ്രദീപ് ഭട്ടിന്റെ നേതൃത്വത്തിൽ ഹെഡ് കോൺസ്റ്റബിൾമാരായ ശ്രീകാന്ത്,ജിനു, രഞ്ജിത്ത്,പ്രശോഭ് തുടങ്ങിയവർ ക്ലാസെടുത്തു. ലിഫ്റ്റിംഗ്, ലൈഫ് ജാക്കറ്റ് നിർമ്മാണം, സ്ട്രക്ചർ നിർമ്മാണം തുടങ്ങിയവയെ പറ്റി വിശദീകരിച്ചു. 

        ബ്ലോക്ക് പഞ്ചായത്ത് വൈസ് പ്രസിഡണ്ട് ഫാത്വിമ ഷാനവാസ് അധ്യക്ഷത വഹിച്ച പരിപാടി പ്രസിഡണ്ട് ഇസ്മയിൽ കുറുമ്പൊയിൽ ഉദ്ഘാടനം ചെയ്തു. കോട്ടൂർ ഗ്രാമപഞ്ചായത്ത് വൈസ് പ്രസിഡൻ്റ് ഷാജി തച്ചയിൽ, വി കെ അനിത, ബ്ലോക്ക് പഞ്ചായത്ത് സെക്രട്ടറി ജോബി സാലസ്, കെ കെ അരവിന്ദാക്ഷൻ സംസാരിച്ചു.