സ്റ്റേറ്റ് ഹൈവേയിലെ അപകടകരമായ മരം മുറിച്ചു നീക്കി

നടുവണ്ണൂർ: സ്‌റ്റേറ്റ് ഹൈവെ 38 ചാലിക്കര അങ്ങാടിയിൽ കടകൾക്കും , ഇലക്ട്രിക്ക് ലൈനിനും , വാഹനങ്ങൾക്ക് കാഴ്ച മറക്കുന്നതുമായ കൂറ്റൻ മഹാഗണി മരം മുറിച്ചു മാറ്റി. പി ഡബ്ല്യു ഡി പേരാമ്പ്ര അസിസ്റ്റൻ്റ് എൻജിനിയർ, നടുവണ്ണൂർ കെ എസ് ഇബി , സോഷ്യൽ ഫോറസ്ട്രി വിഭാഗം എന്നീ വകുപ്പുകളുടെ സാന്നിദ്ധ്യത്തിൽ ആണ് മുറിച്ച് മാറ്റിയത്. ക്രയിൻ , ജെസിബി എന്നിവയുടെ സഹായത്താൽ മുറിച്ച് മാറ്റിയ മരത്തടികൾ പിന്നീട് പി ഡബ്ല്യു ഡി വിഭാഗം പൊതു ലേലം ചെയ്ത് വിൽപ്പന നടത്തും . മരം മുറിച്ച് മാറ്റുന്ന പ്രവൃത്തിയിൽ പേരാമ്പ്ര പി.ഡബ്ല്യു ഡി നിരത്ത് വിഭാഗം അസിസ്റ്റൻ്റ് എക്സിക്യുട്ടിവ് എൻജീനിയർ മിന്നു , ഓവർ സിയർ ജിഷാര , വടകര സോഷ്യൽ ഫോസ്ട്രി ഡപ്യൂട്ടി റെയിഞ്ച് ഫോറസ്റ്റ് ഓഫീസർ എൻ.കെ . ഇബ്രായി , നടുവണ്ണൂർ കെ എസ് ഇ ബി സെക്ഷനിലെ ടി.വി കോയ എന്നിവരോടൊപ്പം നാട്ട്കാരായ പി. പി. മുഹമ്മദ് , രാമചന്ദ്രൻ , സത്യൻ ടി. വി , റഷിദ് വെള്ളിലോട്ട് , അസീസ് ടി വി , റിയാസ് ചാലിക്കര , ടി വി റാസാഖ് , ഹാരിസ് കെ.കെ , സിറാജ് എം.കെ എന്നിവരും പങ്കെടുത്തു