ഡോ. പി.സുരേഷിന് ആദരവായി മറതി സ്മൃതിമരം നൽകി സ്മാർട്ട് പാലോറ

​ഉള്ളിയേരി: ഉള്ളിയേരിയുടെ സ്വാതന്ത്ര്യസമര ചരിത്രത്തിലെ അദൃശ്യമായ ഏടുകളെ തന്റെ സർഗ്ഗാത്മകമായ കയ്യൊപ്പിലൂടെ അടയാളപ്പെടുത്തിയ 'മറതി' എന്ന നോവലിന് 2026 വർഷത്തെ കാഫ് ദുബായ് പുരസ്കാരം ലഭിച്ച ഡോ. സുരേഷിനെ പാലോറ ഹയർ സെക്കൻഡറി സ്കൂളിലെ സ്മാർട്ടിന്റെ നേതൃത്വത്തിൽ ആദരിച്ചു.

​      ഡോ. സുരേഷിന്റെ വസതിയിലെത്തിയാണ് അധ്യാപകരും വിദ്യാർത്ഥികളും ഉൾപ്പെടുന്ന സംഘം അദ്ദേഹത്തിന് സ്‌നേഹ വൃക്ഷം നൽകി ആദരവറിയിച്ചത്. ആദരവിന്റെ ഭാഗമായി അദ്ദേഹത്തിന്റെ ഗൃഹാങ്കണത്തിൽ 'മറതി സ്മൃതിമരം' നടുകയുണ്ടായി.

​       ചടങ്ങിൽ അധ്യാപകരായ പി. സതീഷ് കുമാർ, ഫസലുനിസ, ഇ.എം. ധനേഷ്, വിദ്യാർത്ഥികളായ ധ്യാൻ പ്രയാഗ്, അഭിരാമി, സായന്തന, അവന്തിക എന്നിവർ പങ്കെടുത്തു. നാടിന്റെ ചരിത്രത്തെയും പോരാട്ടങ്ങളെയും സാഹിത്യ ലോകത്തേക്ക് ഉയർത്തിക്കൊണ്ടുവന്ന ഡോ. പി. സുരേഷിന്റെ സംഭാവനകളെ ചടങ്ങിൽ പങ്കെടുത്തവർ പ്രകീർത്തിച്ചു.