കോഴിക്കോട് നഗരത്തിൽ സ്വകാര്യ ബസ് അപകടം

​​കോഴിക്കോട്: നഗരത്തിൽ സ്വകാര്യ ബസുകളുടെ അമിതവേഗതയും മത്സരയോട്ടവും വീണ്ടും ഭീഷണിയാകുന്നു. പുഷ്പ ജംങ്ഷന് സമീപം ഫ്രാൻസിസ് റോഡ് മേൽപാലത്തിന്റെ അടിഭാഗത്ത് കരുവന്തുരുത്തി - മെഡിക്കൽ കോളേജ് റൂട്ടിൽ സർവീസ് നടത്തുന്ന സ്വകാര്യ ബസ് ഇടിക്കുകയാണ് ഉണ്ടായത്. ബസിൽ വിദ്യാർത്ഥികൾ അടക്കം നിറയെ യാത്രക്കാർ ഉണ്ടായിരുന്നു. ആർക്കും കാര്യമായ പരിക്കില്ല. ബസിന്റെ മുൻഭാഗം തകർന്നു.