പാലോറ മല ചെങ്കൽ ഖനന പ്രദേശത്ത് മണ്ണിടിച്ചിൽ ശാശ്വത പരിഹാരം കാണണം

ഉള്ളിയേരി: പാലോറ മലയിൽ ചെങ്കൽ ഖനനം നടക്കുന്ന പ്രദേശത്തെ മണ്ണിടിച്ചിൽ ഭീഷണിക്ക് ശ്വാശ്വതപരിഹാരം ഉണ്ടാക്കണമെന്ന് കെ എസ് കെ ടി യു മൊടക്കല്ലൂർ മേഖലാ സമ്മേളനം ആവശ്യപ്പെട്ടു. 

       മേഖല സമ്മേളനം കൂമുള്ളി ഗിരിഷ് പുത്തഞ്ചേരി ഹാളിൽ ജില്ലാ ട്രഷറർ കെ.കെ മുഹമ്മദ് ഉദ്ഘാടനം ചെയ്തു.ടി.രാധാകൃഷ്ണൻ അദ്ധ്യക്ഷത വഹിച്ചു. എൻ ആലി, കെ മുരളീധരൻ എന്നിവർ പ്രസംഗിച്ചു. മേഖല സെക്രട്ടറിയായി സബീഷ് മൊടക്കല്ലൂരിനെയും, പ്രസിഡണ്ടായി ടി.രാധാകൃഷ്ണനെയും തെരഞ്ഞെടുത്തു. ആർബാബു സാഗതവും ശകുന്തള തോരായി നന്ദിയും പറഞ്ഞു.