ചാലിയാറിൽ മത്സ്യം പിടിക്കുന്നതിനിടെ മോട്ടോർ ബോട്ട് മറിഞ്ഞ് ഒരാളെ കാണാതായി

മാവൂർ: ചാലിയാറിൽ മത്സ്യം പിടിക്കുന്നതിനിടെ മോട്ടോർ ബോട്ട് മറിഞ്ഞ് യുവാവിനെ കാണാതായി. മാവൂർ കുതിരാടം സ്വദേശി ഇരുപത്തി മൂന്ന് വയസ്സുള്ള ബാസിൽ എന്ന ആളെയാണ് കാണാതായത്. ഇന്ന് പുലർച്ചെ യോടെയാണ് സംഭവം നടക്കുന്നത്. മാവൂർ മണന്തല കടവിന് സമീപം പൂളക്കോട് ഭാഗത്ത് വെച്ച് മോട്ടോർ ബോട്ട് മറിയുകയായിരുന്നു. കൂടെയുണ്ടായിരുന്ന മറ്റ് രണ്ടുപേർ നീന്തി രക്ഷപ്പെട്ടതായി വിവരം ലഭിച്ചത്. നാട്ടുകാരും ഫയർ ഫോഴ്‌സും തെരച്ചിൽ തുടരുകയാണ്.