താമരശ്ശേരി ചുരം റോഡിൽ മരം വീണ് ഗതാഗതം തടസ്സപ്പെട്ടു.

താമരശ്ശേരി :ചുരത്തിൽ ഇന്നലെ മുതൽ കനത്ത ഗതാഗതക്കുരുക്ക് അനുഭവപ്പെടുന്നുണ്ട്. ഇതിനിടെ തകരപ്പാടിക്ക് മുകളിലായി മരം റോഡിലേക്ക് കടപുഴകി വീണതിനെ തുടർന്ന് ഗതാഗതം ഭാഗികമായി സ്തംഭിച്ചു.

      ഗതാഗതകുരുക്ക് പരിഹരിക്കുന്നതിനായി പോലീസും ചുരം ഗ്രീൻ ബ്രിഗേഡ് പ്രവർത്തകരും സജീവമായി ചുരത്തിലുണ്ടായതിനാൽ അരമണിക്കൂർ പരിശ്രമത്തിലൂടെ മരം മുറിച്ച് മാറ്റി ഗതാഗതം സുഗമമാക്കി. രാവിലെ 10.30 ന് മരം വീണുവെങ്കിലും വാഹനങ്ങൾക്ക് അപകടങ്ങളൊന്നും പറ്റി യിട്ടില്ല.ഓണം അവധിയും ഞായറാഴ്ച്ചയും ആയതിനാൽ ടൂറിസ്റ്റുകളുടെ അതിപ്രസരമാണ് വലിയ തോതിൽ ഗതാഗത കുരുക്കിന് കാരണമാവുന്നത്. 6,7,8 വളവുകളിൽ റോഡ് വർക്കിൻ്റെ ഭാഗമായി കുഴികൾ രൂപപ്പെട്ടതിനാൽ ഇവിടങ്ങളിൽ പതുക്കെ മാത്രമേ വാഹനങ്ങൾക്ക് കടന്നുപോവാൻ സാധിക്കൂ.