മുസ്ലീം യൂത്ത് ലീഗ് ഉന്നത വിജയികളെ ആദരിച്ചു.

ഉള്ളിയേരി: വിവിധ മത്സര പരീക്ഷകളിലും വിദ്യാഭ്യാസ രംഗത്തും ഉന്നത വിജയം നേടിയ വിദ്യാർത്ഥികളെ മുസ്‌ലിം യൂത്ത് ലീഗ് കക്കഞ്ചേരി ശാഖാ കമ്മിറ്റിയുടെ ആഭിമുഖ്യത്തിൽ അനുമോദിച്ചു. വിദ്യാർത്ഥികളുടെ കഴിവുകളെ പ്രോത്സാഹിപ്പിക്കുകയും പഠനരംഗത്ത് കൂടുതൽ മികവ് കൈവരിക്കാൻ പ്രചോദനം നൽകുകയും ചെയ്യുക എന്ന ലക്ഷ്യത്തോടെയാണ് അനുമോദന പരിപാടി സംഘടിപ്പിച്ചത്.

      മുസ്‌ലിം യൂത്ത് ലീഗ് ബാലുശ്ശേരി നിയോജക മണ്ഡലം ജനറൽ സെക്രട്ടറി ഫസൽ കൂനഞ്ചേരി പരിപാടി ഉദ്ഘാടനം ചെയ്തു. ശാഖാ കമ്മിറ്റി പ്രസിഡന്റ് നവാസ് തയ്യുള്ളതിൽ അധ്യക്ഷത വഹിച്ചു. ജില്ലാ പഞ്ചായത്ത് മെമ്പർ റീമ കുന്നുമ്മൽ ഉന്നത വിജയം നേടിയ വിദ്യാർത്ഥികൾക്കുള്ള ഉപഹാരങ്ങൾ വിതരണം ചെയ്തു.

     നവാസ് കോളങ്ങാട്ട് സ്വാഗതം പറഞ്ഞു. റഹീം മഠത്തിൽ, മുസ്‌ലിം യൂത്ത് ലീഗ് ജില്ലാ സെക്രട്ടറി സിറാജ് ചിറ്റേടത്ത്, സിറാജ് നാറാത്ത്, അസീസ് കോഴക്കാട്, സി. എം. സന്തോഷ്, പി. കെ. ജരീഷ്, ഫാസിൽ നാറാത്ത്, മുംതാസ് ടീച്ചർ എന്നിവർ ആശംസകൾ നേർന്ന് സംസാരിച്ചു. ശാഖാ കമ്മിറ്റി സെക്രട്ടറി ഇല്യാസ് വടക്കേടത്ത് നന്ദി പറഞ്ഞു.

      വിദ്യാർത്ഥികളുടെ നേട്ടങ്ങൾ നാടിനും സമൂഹത്തിനും അഭിമാനകരമാണെന്നും, വിദ്യാഭ്യാസ രംഗത്ത് കൂടുതൽ ഉയരങ്ങളിലേക്ക് എത്താൻ ഇത്തരം അനുമോദനങ്ങൾ പ്രചോദനമാകുമെന്നും പരിപാടിയിൽ സംസാരിച്ചവർ അഭിപ്രായപ്പെട്ടു.