സൗഹൃദം റസിഡൻസ് അസോസിയേഷൻ ഓണാഘോഷവും അനുമോദനവും നടത്തി.

നടുവണ്ണൂർ : നടുവണ്ണൂർ സൗഹൃദം റെസിഡന്റ്സ് അസോസിയേഷൻ ഓണാഘോഷവും വിദ്യാർത്ഥികൾക്കുള്ള അനുമോദനവും സംഘടിപ്പിച്ചു. ആഘോഷപരിപാടികൾ നടുവണ്ണൂർ ഗ്രാമ പഞ്ചായത്ത്‌ പ്രസിഡന്റ്‌ ഷൈജ മുരളി ഉദ്ഘാടനം ചെയ്തു. സൗഹൃദം റസിഡൻസ് അസോസിയേഷൻ പ്രസിഡന്റ്‌ ഇ കെ മുനീർ അധ്യക്ഷത വഹിച്ചു.

       ഓണ സദ്യ, കലാ കായിക മത്സരങ്ങൾ, സമ്മാന വിതരണം എന്നിവ നടത്തി. പഞ്ചായത്ത്‌ മെമ്പർ ബിന്ദു കുട്ടിക്കണ്ടി. നാസർ റാനിയ. അബ്ദുൽ സമദ് നിടുങ്ങണ്ടി. ഉണ്ണികൃഷ്ണൻ തൊണ്ടിക്കൽ എന്നിവർ സംസാരിച്ചു. സെക്രട്ടറി എം. പ്രദോഷ് സ്വാഗതവും എ കെ പ്രകാശൻ മാസ്റ്റർ നന്ദിയും പറഞ്ഞു