കാപ്പാട് ജാമിഅ ഐനുൽ ഹുദാ വാർഷികം ആഘോഷിക്കുന്നു.

കാപ്പാട്: ഡിസംബർ 24, 25, 26 തീയതികളിൽ നടക്കുന്ന ജാമിഅ ഐനുൽ ഹുദാ 40-ാം വാർഷിക സനദ് ദാന സമ്മേളനത്തിന്റെ സ്വാഗതസംഘം ഓഫീസ് ചന്ദ്രക ഗവേണിങ് ബോർഡ് അംഗവും വ്യവസായ പ്രമുഖനുമായ നരിക്കോളി ഹമീദ് ഹാജി ഉദ്ഘാടനം ചെയ്തു. എ.പി.പി. തങ്ങൾ അധ്യക്ഷത വഹിച്ചു. കാപ്പാട് ഖാസി പി.കെ നൂറുദീൻ ഹൈത്തമി പ്രാർത്ഥനക്ക് നേതൃത്വം നൽകി. കെ.പി. മുഹമ്മദലി ഹാജി ചെറുവണ്ണൂർ, പി.കെ. മുഹ്യുദ്ദീൻ കുട്ടി ഉള്ളിയേരി, ടി.എൻ. ലത്തീഫ് ഹാജി, ആലിക്കോയ പൂക്കാട്, കെ. സുബൈർ ഹാജി, ബഷീർ മാസ്റ്റർ, ഗഫൂർ മാസ്റ്റർ, ഗഫൂർ അൽ മൻസൂർ, കെ. ബീരാൻ മാസ്റ്റർ, സലീം കൊയിലാണ്ടി തുടങ്ങിയവർ പ്രസംഗിച്ചു. ജനറൽ സെക്രട്ടറി പി കെ കെ ബാവ സ്വാഗതവും സാദിക്ക് അവീർ നന്ദിയും പറഞ്ഞു.