മുള്ളൻകുന്നിൽ കിണറ്റിൽ വീണ കാട്ടുപോത്ത് ചത്തു

കുറ്റ്യാടി : മരുതോങ്കര പഞ്ചായത്തിലെ മുള്ളൻകുന്നിൽ വീട്ടുപറമ്പിലെ കിണറ്റിൽ വീണ കാട്ടുപോത്ത് ചത്തു. ഇന്ന് രാവിലെ കാട്ടുപോത്തിനെ കിണറ്റിൽനിന്ന് കരയ്ക്കുകയറ്റാനുള്ള ശ്രമങ്ങൾ ആരംഭിക്കുന്നതിന് മുമ്പാണ് ജീവൻ നഷ്ടമായത്.

.    കാട്ടുപോത്തിനെ മയക്കുവെടിവെച്ച് സുരക്ഷിതമായി പുറത്തെത്തിക്കാനുള്ള നടപടികൾ ആസൂത്രണം ചെയ്തുവരുന്നതിനിടെയാണ് സംഭവം. കാട്ടുപോത്തിനെ രക്ഷപ്പെടുത്താനുള്ള ശ്രമങ്ങൾക്കായി പ്രദേശത്ത് നിയന്ത്രണങ്ങളും ഏർപ്പെടുത്തിയിരുന്നു.

കാട്ടുപോത്തിന്റെ മരണത്തോടെ സംഭവത്തിൽ ആശങ്കയിലായിരുന്ന പ്രദേശവാസികൾക്ക് രക്ഷാപ്രവർത്തനം സംബന്ധിച്ച പ്രതീക്ഷകൾ അവസാനിച്ചു.