‘ഉയരെ 2026’ 37 വിദ്യാർത്ഥികൾക്ക് വിദ്യാഭ്യാസ സഹായം നല്കി.

കൊയിലാണ്ടി: കൊയിലാണ്ടി താലൂക്ക് അസോസിയേഷൻ കുവൈത്തിന്റെ വിദ്യാഭ്യാസ സഹായ പദ്ധതിയായ ‘ഉയരെ 2026’ വഴി 37 വിദ്യാർത്ഥികൾക്ക് വിദ്യാഭ്യാസ സഹായം വിതരണം ചെയ്തു. തക്കാര ഓഡിറ്റോറിയത്തിൽ നടന്ന ചടങ്ങ് അഡ്വ. കെ. പ്രവീൺ കുമാർ എം.എൽ.എ ഉദ്ഘാടനം ചെയ്തു. കൊയിലാണ്ടി നഗരസഭാ ചെയർപേഴ്സൺ യു.കെ. ചന്ദ്രൻ മുഖ്യാതിഥിയായി.

.     ബി.ടെക്, ബി.എസ്‌സി നഴ്സിങ്, നീറ്റ്, ടി.ടി.സി, സി.എ, ബി.എ, ബി.കോം തുടങ്ങിയ വിവിധ കോഴ്സുകളിൽ ഉപരിപഠനം നടത്തുന്ന വിദ്യാർത്ഥികൾക്കാണ് സഹായം ലഭിച്ചത്. സാമ്പത്തിക പ്രയാസങ്ങൾക്കിടയിലും ഉന്നതവിദ്യാഭ്യാസം സ്വപ്നം കാണുന്ന വിദ്യാർത്ഥികൾക്ക് പിന്തുണയേകുകയാണ് പദ്ധതിയുടെ ലക്ഷ്യം.