ഗ്രാമ പഞ്ചായത്ത് ബാലകലോൽസവം സമാപിച്ചു.

നടുവണ്ണൂർ: നടുവണ്ണൂർ ഗ്രാമപഞ്ചായത്ത് എൽ.പി വിഭാഗം ബാലകലോത്സവത്തിൽ ഓവറോൾ ഒന്നാം സ്ഥാനവും അറബിക് കലാമേളയിൽ ഫസ്റ്റ് റണ്ണർ അപ്പ് സ്ഥാനവും കരസ്ഥമാക്കി എലങ്കമൽ എ.എം.എൽ.പി സ്കൂൾ ഇരട്ട നേട്ടം സ്വന്തമാക്കി. വിവിധ കലാമത്സരങ്ങളിൽ മികവും പ്രതിഭയും തെളിയിച്ച വിദ്യാർഥികളുടെ കൂട്ടായ പരിശ്രമമാണ് സ്കൂളിന് ഈ അഭിമാനകരമായ നേട്ടം സമ്മാനിച്ചത്.

.     കലാപരമായ കഴിവുകൾ പ്രകടിപ്പിക്കാനും സർഗാത്മകത വളർത്താനും വിദ്യാർഥികൾക്ക് മികച്ച അവസരമായി മാറിയ ബാലകലോത്സവത്തിൽ എലങ്കമൽ എ.എം.എൽ.പി സ്കൂളിലെ കുട്ടികൾ ശ്രദ്ധേയമായ പ്രകടനമാണ് കാഴ്ചവെച്ചത്. വിവിധ ഇനങ്ങളിൽ ആവേശത്തോടെയും ആത്മവിശ്വാസത്തോടെയും മത്സരിച്ച വിദ്യാർഥികൾ സ്കൂളിന്റെ യശസ്സ് ഉയർത്തി.

.     വിദ്യാർഥികളുടെ കഠിനാധ്വാനവും രക്ഷിതാക്കളുടെയും അദ്ധ്യാപകരുടെയും മാർഗനിർദേശവും കൂട്ടായ പ്രവർത്തനവും ഈ നേട്ടത്തിന് കരുത്തായി. കുട്ടികളിലെ കലാവാസനകളെ കണ്ടെത്തി പ്രോത്സാഹിപ്പിക്കുന്നതിലും അവരുടെ കഴിവുകൾ പരിപോഷിപ്പിക്കുന്നതിലും രക്ഷിതാക്കളും സ്കൂളും നൽകുന്ന പിന്തുണയുടെ പ്രതിഫലനമാണ് ഈ വിജയം.