ലോറി സ്കൂട്ടറിൽ തട്ടിയ ശേഷം നിർത്താതെ പോയി

നടുവണ്ണൂർ: സംസ്ഥാന പാതയിൽ കാവുന്തറ റോഡ് ജംഗ്ഷനിൽ സ്‌കൂട്ടർ യാത്രികനെ ഇടിച്ചിട്ട് ലോറി നിർത്താതെ പോയി. നടുവണ്ണൂർ കാവുന്തറ റോഡ് ജംഗ്ഷന് സമീപം സംസ്ഥാന ഹൈവേയിൽ ഇന്ന് ബുധനാഴ്ച്ച രാവിലെ 8.15 ഓടെയാണ് സംഭവം. നടുവണ്ണൂർ ചാത്തോത്ത് താഴെ സ്വദേശി വരിയങ്ങൽ താഴെ കുനി അബ്ദുല്ലയെയാണ്‌ ലോറി ഇടിച്ചിട്ട് പോയത്. നടുവണ്ണൂരിലെ മാർക്കറ്റിൽ നിന്നും സാധനങ്ങൾ വാങ്ങിയശേഷം വീട്ടിലേക്ക് തിരികെ പോകുമ്പോഴായിരുന്നു അപകടം. പേരാമ്പ്ര ഭാഗത്ത് നിന്ന് വന്ന ലോറിയാണ് അപകടമുണ്ടാക്കി നിർത്താതെ പോയത്.