കോഴിക്കോട് ബീച്ചിൽ ലൈഫ് ഗാർഡുകൾക്ക് നേരെ ആക്രമണം

കോഴിക്കോട്: കടലിൽ ഇറങ്ങുന്നത് തടഞ്ഞതിനെ ച്ചൊല്ലിയുണ്ടായ തർക്കത്തിനിടെ കോഴിക്കോട് ബീച്ചിലെ ലൈഫ് ഗാർഡുകൾക്ക് നേരെ ആക്രമണം. സ്ത്രീകൾ ഉൾപ്പെടെയുള്ള സംഘം ലൈഫ് ഗാർഡുകളെ കൂട്ടമായി ആക്രമിക്കുന്നതിന്റെ ദൃശ്യങ്ങളും പുറത്തുവന്നു.

.      ആക്രമണത്തിൽ ലൈഫ് ഗാർഡുമാരായ ആഷിൽ, ഹർഷദ്, മനോജ് എന്നിവർക്ക് പരിക്കേറ്റു. പരിക്കേറ്റ ആഷിലിനെ കോഴിക്കോട് മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു.

.     കർണാടക സ്വദേശികളാണ് ആക്രമണം നടത്തിയതെന്നാണ് ലൈഫ് ഗാർഡുകൾ പറയുന്നത്. സംഭവവുമായി ബന്ധപ്പെട്ട് രണ്ടുപേരെ വെള്ളയിൽ പോലീസ് കസ്റ്റഡിയിലെടുത്തു.

.     കടലിൽ ഇറങ്ങുന്നത് ചോദ്യം ചെയ്തതിനെ തുടർന്നാണ് ആക്രമണമുണ്ടായതെന്നാണ് പ്രാഥമിക വിവരം. സംഭവത്തിൽ പോലീസ് തുടർനടപടികൾ സ്വീകരിച്ചു വരികയാണ്.