ഉള്ളേരി: നാറാത്ത് ഗ്രാമത്തിലും പരിസര പ്രദേശങ്ങളിലും ഇന്ത്യൻ യൂണിയൻ മുസ്ലിം ലീഗ് കെട്ടിപടുക്കുന്നതിൽ മുന്നിൽ നിന്ന മുസ്ലിംലീഗ് നേതാവ് സി.എം കോയ (70) നിര്യാതനായി. കുറച്ചു നാളുകളായി അസുഖബാധിതനായി കിടപ്പിലായിരുന്നു. ഉള്ളേരി പഞ്ചായത്ത് മുസ്ലിം ലീഗ് വൈസ് പ്രസിഡന്റ്, നാറാത്ത് ശാഖാ മുസ്ലിം ലീഗ് പ്രസിഡന്റ്, ത്വാഇഫ് കെഎംസിസി ഭാരവാഹി, ശിഹാബ് തങ്ങൾ ചാരിറ്റി ഭാരവാഹി, നാറാത്ത് മഹല്ല് കമ്മിറ്റി ഭാരവാഹി തുടങ്ങി ഒട്ടനവധി ജീവകാരുണ്യ പ്രവർത്തന മേഖലകളിൽ നിസ്വാർത്ഥ സേവകനായിരുന്നു സി എം എന്ന രണ്ടക്ഷരത്തിലറിയപ്പെട്ടിരുന്ന ചെറുവത്ത് മമ്മത് കോയ.മക്കൾ: മൈമൂന (നാറാത്ത് ശാഖാ വനിതാ ലീഗ് വൈസ് പ്രസിഡൻ്റ്), മുംതാസ്. മരുമക്കൾ: തിരുത്തോത്ത് മമ്മത് കോയ (കുവൈറ്റ്), ജലീക്ക് നടുവണ്ണൂർ.
