സ്വകാര്യബസ്സിൽ നിന്ന് തെറിച്ചു വീണ് വിദ്യാർഥിനി മരിച്ചു
മുണ്ടൂർ യുവക്ഷേത്ര കോളജിലെ രണ്ടാം വർഷ ബിരുദ വിദ്യാർത്ഥിനിയായ ഗൗരി ജി കൃഷ്ണ (18) ആണ് മരിച്ചത്.
NDR news
19 Aug 2026 05:46 PMപാലക്കാട്: പാലക്കാട് സ്വകാര്യ ബസില് നിന്ന് തെറിച്ച് വീണ് കോളജ് വിദ്യാര്ഥിനി മരിച്ചു. പാലക്കാട് കോങ്ങാട് മല്ലിക്കല് ബസ് സ്റ്റോപ്പിന് സമീപം ഇന്ന് രാവിലെ ആണ് അപകടം നടന്നത്. കോങ്ങാട് കരുണയില് ഗോപീകൃഷ്ണന്റെ മകള് ഗൗരി ജി. കൃഷ്ണ (18) ആണ് മരിച്ചത്.
മുണ്ടൂര് യുവക്ഷേത്ര കോളജിലെ രണ്ടാം വര്ഷ കെമിസ്ട്രി ബിരുദ വിദ്യാര്ഥിയാണ്. രാവിലെ കോളജിലേക്ക് പോകുമ്പോഴാണ് അപകടം സംഭവിച്ചത്.
