ആളൊഴിഞ്ഞ പറമ്പിൽ യുവാവിനെ മരിച്ച നിലയിൽ കണ്ടെത്തി

കോഴിക്കോട്: നല്ലളം മോഡേൺ ബസാറിന് സമീപത്തെ ആളൊഴിഞ്ഞ പറമ്പിൽ യുവാവിനെ മരിച്ച നിലയിൽ കണ്ടെത്തി.

.    നല്ലളം കുന്നുമ്മൽ ആറാംകല്ല് സ്വദേശി രതീഷ് ആണ് മരിച്ചത്. കോഴിക്കോട് സിറ്റിയിൽ ഓട്ടോ തൊഴിലാളിയായി ജോലി ചെയ്തുവരികയായിരുന്നു.

.      രണ്ട് ദിവസമായി വീട്ടിൽ എത്തിയിരുന്നില്ലെന്ന് ബന്ധുക്കൾ പറഞ്ഞു. ഇതിനിടെ പറമ്പിൽ മണ്ണ് നീക്കം ചെയ്യാനെത്തിയ ജെസിബി ഡ്രൈവറാണ് ഒരാൾ കമഴ്ന്നുകിടക്കുന്നത് ശ്രദ്ധയിൽപ്പെട്ടത്. സംശയം തോന്നിയതിനെ തുടർന്ന് നടത്തിയ പരിശോധനയിലാണ് മരിച്ചതായി മനസ്സിലായത്. തുടർന്ന് നല്ലളം പോലീസിൽ വിവരം അറിയിച്ചു.

.     പോലീസ് ഇൻക്വസ്റ്റ് നടപടികൾ പൂർത്തിയാക്കി മൃതദേഹം കോഴിക്കോട് മെഡിക്കൽ കോളേജ് മോർച്ചറിയിലേക്ക് മാറ്റി.