വിദ്യാർത്ഥികൾ സഞ്ചരിച്ച സ്കൂട്ടറിടിച്ച് 65 കാരൻ മരിച്ചു.
കൊളത്തൂർ സ്കൂളിലെ വിദ്യാർത്ഥികൾ സഞ്ചരിച്ച സ്കൂട്ടർ ഇടിച്ച് അത്തോളി കോതങ്കൽ സ്വദേശി സെയ്തലവി (65) ആണ് മരിച്ചത്.
NDR news
19 Sep 2026 12:44 PM അത്തോളി: വിദ്യാർത്ഥികൾ സഞ്ചരിച്ച സ്കൂട്ടർ ഇടിച്ച് കാൽനടയാത്രക്കാരൻ മരിച്ചു. അപകടത്തിൽ അത്തോളി കോതങ്കൽ സ്വദേശി സെയ്തലവി (65) ആണ് ദാരുണമായി കൊല്ലപ്പെട്ടത്. കൂമുള്ളി - കുളത്തൂർ റോഡിൽ കോതങ്കലിൽ വെച്ച് വെള്ളിയാഴ്ച ഉച്ചയ്ക്ക് 1.20-ഓടെയായിരുന്നു അപകടം.
. മൂന്ന് വിദ്യാർത്ഥികൾ സഞ്ചരിച്ച സ്കൂട്ടർ അമിതവേഗത്തിലെത്തി സെയ്തലവിയെ ഇടിച്ചു തെറിപ്പിക്കുകയായിരുന്നു. ഇടിയുടെ ആഘാതത്തിൽ തെറിച്ചുവീണ സ്കൂട്ടറിന്റെ പിൻസീറ്റിലിരുന്ന വിദ്യാർത്ഥിക്കും ഗുരുതരമായി പരിക്കേറ്റിട്ടുണ്ട്. കൊളത്തൂർ ഹയർ സെക്കൻഡറി സ്കൂളിലെ വിദ്യാർഥികളാണ് അപകടം ഉണ്ടാക്കിയത്.
. അപകടം നടന്നയുടൻ സ്കൂട്ടറിലുണ്ടായിരുന്ന മറ്റൊരു വിദ്യാർത്ഥി വാഹനം എടുത്ത് വേഗത്തിൽ സ്ഥലത്തുനിന്ന് കടന്നുകളഞ്ഞു. സംഭവത്തിന്റെ ഞെട്ടിക്കുന്ന സി.സി.ടി.വി (CCTV) ദൃശ്യങ്ങൾ പുറത്തുവന്നിട്ടുണ്ട്.
. സംഭവത്തിൽ അത്തോളി പൊലീസ് കേസെടുത്ത് അന്വേഷണം ആരംഭിച്ചു. കടന്നുകളഞ്ഞ വിദ്യാർത്ഥിക്കായി തിരച്ചിൽ ശക്തമാക്കിയിട്ടുണ്ട്.
