കോഴിക്കോട് സ്വദേശിയായ യുവാവ് ദുബയിൽ മുങ്ങി മരിച്ചു

കോഴിക്കോട്: എളേറ്റിൽ സ്വദേശിയായ യുവാവ് ദുബൈയി കടലിൽ മുങ്ങി മരിച്ചു. ചളിക്കോട് തയമാട്ടുമ്മൽ അലി ഹൈദർ (26) ആണ് അപകടത്തെ തുടർന്ന് മരിച്ചത്. പ്രഭാത സവാരിക്കിടെ കടൽ പാലത്തിൽ നിന്ന് വെള്ളത്തിൽ വീണാണ് മരണം സംഭവിച്ചത്.

.     മരണപ്പെട്ട അലി ഹൈദർ വനിതാ ലീഗ് ബംഗളൂരു ജില്ലാ ട്രഷററും ഓൾ ഇന്ത്യാ കെഎംസിസി ബംഗളൂരു ശിഹാബ് തങ്ങൾ സെന്റർ ഫോർ ഹ്യൂമാനിറ്റി പാലിയേറ്റീവ് ഹോം കെയർ പ്രവർത്തകയുമായ സാജിദാ ഖാദറിന്റെ സഹോദരി പുത്രനാണ്.

.    പിതാവ്: ഉസൈൻ (ആരോഗ്യ വകുപ്പ് റിട്ട. ഉദ്യോഗസ്ഥൻ) മാതാവ്: സുലൈഖ. സഹോദരൻ: അഷ്റഫ് ഷഹബാസ് (അധ്യാപകൻ, എ.യു.പി സ്കൂൾ വലിയപറമ്പ്)

.     മയ്യിത്ത് ബുധനാഴ്ച രാവിലെ കോഴിക്കോട് വിമാനത്താവളം വഴി നാട്ടിലെത്തിക്കും.വിവാഹത്തിനു വേണ്ടിയുള്ള പെണ്ണുകാണൽ ചടങ്ങിൽ നാട്ടിലേക്ക് വരാനുള്ള ഒരുക്കങ്ങൾ പൂർത്തിയായി നിൽക്കുമ്പോഴാണ് അപ്രതീക്ഷിത മരണം സംഭവിച്ചത്.