അകലാപ്പുഴയിൽ ഹൗസ് ബോട്ടിൽ നിന്ന് പുഴയിൽ വീണ് ഏഴുവയസുകാരന് ദാരുണാന്ത്യം
ഓമശ്ശേരിയിൽ നിന്ന് വന്ന വിനോദസഞ്ചാര സംഘത്തിലുണ്ടായിരുന്ന കുട്ടിയാണ് വൈകിട്ട് നടന്ന അപകടത്തിൽ മരിച്ചത്
NDR news
12 Oct 2026 07:06 PMവടകര.: അകലാപ്പുഴയിൽ ഹൗസ് ബോട്ടിൽ നിന്ന് പുഴയിലേക്ക് വീണ് ഏഴുവയസുകാരൻ മരിച്ചു. ഓമശ്ശേരി സ്വദേശിയാണെന്നാണ് പ്രാഥമിക വിവരം.വൈകിട്ട് 5.30ഓടെയായിരുന്നു അപകടം. അകലാപ്പുഴയിൽ ബോട്ടിങ്ങിനെത്തിയ സംഘത്തോടൊപ്പമുണ്ടായിരുന്ന കുട്ടി ബോട്ടിൽ കളിക്കുന്നതിനിടെ പുഴയിലേക്ക് വീഴുകയായിരുന്നു.
. ഉടൻ കൂടെയുണ്ടായിരുന്നവർ പുഴയിലിറങ്ങി കുട്ടിയെ കരയ്ക്കെത്തിച്ചു. തുടർന്ന് ആംബുലൻസിൽ കൊയിലാണ്ടി താലൂക്ക് ആശുപത്രിയിലെത്തിച്ചെങ്കിലും കുട്ടിയുടെ ജീവൻ രക്ഷിക്കാനായില്ല.
