സ്കൂട്ടർ താഴ്ചയിലേക്ക് മറിഞ്ഞ് യുവതി മരിച്ചു

കോഴിക്കോട്: നരിക്കുനിയിൽ ഇലക്ട്രിക് സ്കൂട്ടർ റോഡരികിലെ താഴ്ചയിലേക്ക് മറിഞ്ഞ് യുവതി മരിച്ചു. കൂടത്തിൽ മുർഷിദ (26) ആണ് മരിച്ചത്. അപകടത്തിൽ ഭർത്താവ് ജാസിമിന് പരിക്കേറ്റു.

.  ഇന്നലെ രാത്രി 9.30-ഓടെ നരിക്കുനി–പന്നൂർ റോഡിലെ കൂടത്തിൽ ഭാഗത്തായിരുന്നു അപകടം. ഭർത്താവിനൊപ്പം ഇലക്ട്രിക് സ്കൂട്ടറിൽ വീട്ടിലേക്ക് പോകുന്നതിനിടെ സ്കൂട്ടർ റോഡരികിലെ താഴ്ചയിലേക്ക് മറിയുകയായിരുന്നു.