പയ്യോളിയിൽ ബൈക്ക് പോസ്റ്റിലിടിച്ച് അപകടം യുവാവ് മരിച്ചു,

പയ്യോളി:  ബൈക്ക് നിയന്ത്രണംവിട്ട് വൈദ്യുത പോസ്റ്റിലിടിച്ചുണ്ടായ അപകടത്തിൽ യുവാവ് മരിച്ചു. മണിയൂർ പന്തല്ലൂർ പീടിക പറമ്പത്ത് രജീഷാണ് മരിച്ചത്. അപകടത്തിൽ ഭാര്യ അമൃതയ്ക്കും മകൻ പ്രഫുൽദേവിനും ഗുരുതരമായി പരിക്കേറ്റു.

.      ഇന്ന് പുലർച്ചെ രണ്ടരയോടെ പയ്യോളിയിൽനിന്ന് കീഴൂർ ഭാഗത്തേക്ക് പോകുന്നതിനിടെയാണ് നെല്യേരി മാണിക്കോത്ത് അപകടമുണ്ടായത്. നിയന്ത്രണം നഷ്ടപ്പെട്ട ബൈക്ക് റോഡരികിലെ പോസ്റ്റിൽ ഇടിക്കുകയായിരുന്നു.

.      പുലർച്ചെ പ്രദേശത്തെ ഓട്ടോ ഡ്രൈവറാണ് മൂന്നുപേരെയും പരിക്കേറ്റ നിലയിൽ കണ്ടെത്തിയത്. തുടർന്ന് ആംബുലൻസിനെ വിളിച്ചുവരുത്തുകയും പയ്യോളി പൊലീസിൽ വിവരമറിയിക്കുകയും ചെയ്തു. പൊലീസ് ഇടപെടലിൽ പരിക്കേറ്റവരെ പയ്യോളിയിലെ സ്വകാര്യ ആശുപത്രിയിലെത്തിച്ചെങ്കിലും രജീഷിന്റെ ജീവൻ രക്ഷിക്കാനായില്ല.

.      തലയ്ക്കും മുഖത്തിനും ഗുരുതരമായി പരിക്കേറ്റതാണ് രജീഷിന് മരണം സംഭവിക്കാൻ കാരണം. ഗുരുതരമായി പരിക്കേറ്റ അമൃതയും മകൻ പ്രഫുൽദേവും കോഴിക്കോട് മെഡിക്കൽ കോളേജ് ആശുപത്രിയിൽ തീവ്രപരിചരണ വിഭാഗത്തിൽ ചികിത്സയിൽ തുടരുകയാണ്.