കോട്ടയം പാമ്പാടിയിൽ വാഹനാപകടത്തിൽ രണ്ട് യുവതികൾക്ക് ദാരുണാന്ത്യം.

കോട്ടയം:പാമ്പാടി പതിമൂന്നാം മൈലിൽ ബുധനാഴ്ച രാവിലെ ഒമ്പത് മണിയോടെ ഉണ്ടായ ദാരുണമായ വാഹനാപകടത്തിൽ രണ്ട് യുവതികൾ മരണപ്പെട്ടു. കോട്ടയം - കുമളി ദേശീയപാതയിലുണ്ടായ (NH 183) ഈ അപകടത്തിൽമീനടം വട്ടക്കാവുങ്കൽ തോമസിന്റെ മകൾ ആഷ്‌ലി ആൻ തോമസ്‌ (25), പാമ്പാടി കടവുംഭാഗത്ത്‌ ഫാദർ കുര്യാക്കോസിന്റെ മകൾ കൃപ (25) എന്നിവരാണ് മരിച്ചത്. 

.      റോഡരികിൽ അലക്ഷ്യമായി നിർത്തിയിട്ട വാഹനത്തിന് സമീപം നിന്ന് സംസാരിക്കുകയായിരുന്ന ആളുകൾ കാരണം മുന്നിലുണ്ടായിരുന്ന ഒരു കാർ പെട്ടെന്ന് ബ്രേക്കിടേണ്ടി വന്നു. ഇതോടെ പുറകിൽ സ്കൂട്ടറിൽ വരികയായിരുന്ന യുവതികളും ബ്രേക്ക് ചെയ്തെങ്കിലും സ്കൂട്ടറിന്റെ നിയന്ത്രണം നഷ്ടപ്പെടുകയും, എതിരെ കോട്ടയത്തേക്ക് പോകുന്ന സി.എം.എസ് എന്ന സ്വകാര്യ ബസിനടിയിലേക്ക് മറിഞ്ഞു വീഴുകയുമായിരുന്നു

.      റോഡിൽ അനാവശ്യമായി ഗതാഗത തടസ്സം സൃഷ്ടിച്ച് അപകടത്തിന് കാരണക്കാരായ ആളുകളെ കണ്ടെത്താൻ കോട്ടയം ജില്ലാ പൊലീസ് മേധാവിയുടെ നിർദ്ദേശപ്രകാരം പൊലീസ് അന്വേഷണം ആരംഭിച്ചിട്ടുണ്ട്.

.     അപകടത്തിൽപ്പെട്ട കൃപ ഓസ്ട്രേലിയയിൽ വിദ്യാർത്ഥിനിയായിരുന്നു, ഒക്ടോബർ 19-നാണ് കൃപ നാട്ടിലെത്തിയത്.