പോലീസ് ഉദ്യോഗസ്ഥനെ ഭാര്യവീട്ടിൽ മരിച്ചനിലയിൽ കണ്ടെത്തി

ആറ്റിങ്ങൽ: പോത്തൻകോട് സ്വദേശിയും വിജിലൻസ് ആൻഡ് ആൻ്റി കറപ്ഷൻസ് ബ്യൂറോ മരുതുംകുഴി ഇൻസ്പെക്ടറും ആയ ബിനീഷ് ലാൽ (50) നെ ഭാര്യ വീട്ടിൽ മരിച്ച നിലയിൽ കണ്ടെത്തി.

.       കുറ്റാന്വേഷണ മികവിനുള്ള 2025-ലെ കേന്ദ്ര ആഭ്യന്തരമന്ത്രിയുടെ 'കേന്ദ്രീയ ഗൃഹമന്ത്രി ദക്ഷത പദക്' മെഡൽ നേടി ഉദ്യോഗസ്ഥനാണ് ബിനീഷ്. ഭാര്യയുടെ വീടായ ആറ്റിങ്ങൽ ഊരുപോയ‌ ബി.എസ്. ഭവൻ വീട്ടിൽ മരിച്ച നിലയിലാണ് മൃതദേഹം കണ്ടെത്തിയത്.

.     പോസ്റ്റ്മോർട്ടം നടപടികൾക്കായി മൃതദേഹം മെഡിക്കൽ കോളേജ് ആശുപത്രിയിലേക്ക് മാറ്റി. അഞ്ചുതെങ്ങ് പോലീസ് സ്റ്റേഷൻ എസ്.എച്ച്.ഒ. ആയി സേവനമനുഷ്ഠിച്ചിട്ടുണ്ട്. കാട്ടാക്കടയിലും ഇൻസ്പെക്ടറായി  പ്രവർത്തിച്ചിട്ടുണ്ട്.

.     ആറ്റിങ്ങൽ മജിസ്‌ട്രേറ്റ് കോടതിയിലെ ജീവനക്കാരിയായ ദിവ്യയാണ് ഭാര്യ. ഇവർക്ക് രണ്ട് കുട്ടികളുണ്ട്.