അതിഥി തൊഴിലാളിയെ മരിച്ച നിലയിൽ കണ്ടെത്തി.
പേരാമ്പ്രയിലെ ലോഡ്ജിൽ ഉത്തർപ്രദേശ് സ്വദേശിയായ ഡാനിഷിനെ (22)യാണ് മരിച്ച നിലയിൽ കണ്ടെത്തിയത്.
പേരാമ്പ്ര: പേരാമ്പ്രയിലെ ലോഡ്ജ് മുറിയിൽ ഉത്തർപ്രദേശ് സ്വദേശിയായ യുവാവിനെ തൂങ്ങിമരിച്ച നിലയിൽ കണ്ടെത്തി. ഉത്തർപ്രദേശിലെ സഹാറൻപൂർ സ്വദേശി ഡാനിഷ് (22) ആണ് മരിച്ചത്.
. പേരാമ്പ്ര ചേനോളി റോഡിലെ കൈരളി ലോഡ്ജിലാണ് സംഭവം. കഴിഞ്ഞ നാലുവർഷമായി പേരാമ്പ്രയിലും പരിസരപ്രദേശങ്ങളിലും പെയിന്റിങ് ജോലി ചെയ്തുവരികയായിരുന്നു ഡാനിഷ്. നാലുദിവസം മുമ്പ് നാട്ടിൽ പോയി മടങ്ങിയെത്തിയതായിരുന്നു.
. മുറിയിൽ ഡാനിഷിനെ തൂങ്ങിമരിച്ച നിലയിൽ കണ്ട സഹപ്രവർത്തകർ ഉടൻ തന്നെ പേരാമ്പ്ര താലൂക്ക് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. വിവരമറിഞ്ഞ് പേരാമ്പ്ര പോലീസ് സ്ഥലത്തെത്തി തുടർനടപടികൾ സ്വീകരിച്ചു.

