ബബീഷ് ഉണ്ണികുളം ബി ജെ പി ബാലുശ്ശേരി മണ്ഡലം പ്രസിഡന്റ്

ബാലുശ്ശേരി : ബി ജെ പിയുടെ ബാലുശ്ശേരി മണ്ഡലം പ്രസിഡന്റായി ബബീഷ് ഉണ്ണികുളത്തെ നിയമിച്ചു. ബി ജെ പി യുടെ സംസ്ഥാന നേതൃത്വമാണ് ബാലുശ്ശേരി മണ്ഡലത്തിൽ പാർട്ടിയെ നയിക്കാനുള്ള പുതിയ സാരഥിയായി ബബീഷ് ഉണ്ണികുളത്തിനെ നിയോഗിച്ചത്. പുതിയ പ്രസിഡന്റിന്റെ സ്ഥാനാരോഹണ യോഗം യുവമോർച്ചയുടെ സംസ്ഥാന പ്രസിഡന്റ് സി ആർ പ്രഫുൽ കൃഷ്ണൻ ഉദ്ഘാടനം ചെയ്തു.
      ബി ജെ പി സംസ്ഥാന കൗൺസിൽ അംഗം രാജേഷ് കായണ്ണ ആധ്യക്ഷം വഹിച്ചു. ബി ജെ പി ജില്ല വൈ പ്രസിഡന്റ് ടി.ബാലസോമൻ ,ഉത്തര മേഖല സെക്രട്ടറി എൻ പി രാംദാസ് , സംസ്ഥാന സമിതിയംഗം പി.കെ. സുപ്രൻ, ശശീന്ദ്ര ദാസ് തുടങ്ങിയവർ സംസാരിച്ചു. ആർ സി കുമാരൻ ചടങ്ങിൽ സ്വാഗതം പറഞ്ഞു.