ബാലുശ്ശേരിയിൽ റോഡിൽ സീബ്ര ക്രോസ്സ് ലൈൻ പുനഃസ്ഥാപിക്കണം: ഡിവൈഎഫ്ഐ

ബാലുശ്ശേരി: ബാലുശ്ശേരിയിൽ റോഡിൽ സീബ്ര ക്രോസ്സ് ലൈൻ പുനഃസ്ഥാപിക്കണമെന്നാവശ്യപ്പെട്ട് ഡിവൈഎഫ്ഐ നിവേദനം നല്കി. എടവണ്ണപ്പാറ കൊയിലാണ്ടി സംസ്ഥാന പാതയിൽ ബാലുശ്ശേരി ടൗണിനകത്തുള്ള നാല് പ്രധാനപ്പെട്ട സീബ്രാ ക്രോസ്സ് കാണാൻ പറ്റാത്ത വിധം മായ്‌ഞ്ഞുപോയിരിക്കുകയാണ്. ഈ സംസ്ഥാന പാതയിൽ അപകടങ്ങൾ പതിവായിരിക്കുന്ന സാഹചര്യത്തിൽ സീബ്രാക്രോസ്സിൻ്റെ അസാന്നിദ്ധ്യം നിരവധി അപകടങ്ങൾക്ക് വഴിയൊരുക്കുന്നുണ്ട്. 

      ആളുകൾ റോഡ് മുറിച്ച് കടക്കാൻ ജീവൻ പണയംവെച്ച് അപകടകരമായ സാഹചര്യത്തിലൂടെ പോകുന്ന സ്ഥിതിയാണ് നിലവിലുള്ളത്. ആയതിനാൽ ഈ വിഷയം അടിയന്തിരപ്രാധാന്യത്തോടെ കണക്കിലെടുത്ത് പരിഹരിക്കണമെന്ന് ഡിവൈഎഫ്ഐ ബാലുശ്ശേരി മേഖലാ കമ്മിറ്റി പിഡബ്ലിയുഡി അസി: എഞ്ചിനീയർക്ക് നിവേദനം നല്കിയത്.