ആരോഗ്യ മന്ത്രിയുടെ പേരിൽ നരഹത്യയ്ക്ക് കേസെടുക്കണം- ആർ.എസ്.പി.

കൊയിലാണ്ടി: പൊളിച്ചു മാറ്റണമെന്ന് സർട്ടിഫൈ ചെയ്ത് നൽകിയ ആശുപത്രി 'കെട്ടിടം പൊളിച്ചു മാറ്റാതിരിക്കുകയും അതേ കെട്ടിടം പൊളിഞ്ഞ് വീണ് ഒരു സ്ത്രീ മരിക്കാനിടയാകുകയും ചെയ്ത സാഹചര്യത്തിൽ ഇതിന് ഉത്തരവാദിയായ ആരോഗ്യ മന്ത്രി വീണ ജോർജിന്റെ പേരിൽ നരഹത്യയ്ക്ക് കേസെടുക്കണമെന്ന് ആർ എസ് പി സംസ്ഥാന കമ്മറ്റി അംഗം സജി ഡി ആനന്ദ് ആവശ്യപ്പെട്ടു. ആരോഗ്യ - വിദ്യാഭ്യാസ മേഖലയിലെ തകർച്ചക്കെതിരെ ആർ.എസ്.പി കൊയിലാണ്ടിയിൽ സംഘടിപ്പിച്ച സായാഹ്ന ധർണ്ണ ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. 

    ജില്ല സെക്രട്ടറി ഇ.കെ. എം റഫീഖ് അധ്യക്ഷത വഹിച്ചു. ആർവൈഎഫ് സംസ്ഥാന നിർവ്വാഹക സമിതി അംഗം എൻ. കെ.ഉണ്ണികൃഷ്ണൻ ,എം.എം.ശ്രീധരൻ , ടി.കെ.അബ്ദുള്ള കോയ , എടച്ചേരി കുഞ്ഞിക്കണ്ണൻ, തുടങ്ങിയവർ സംസാരിച്ചു. മണ്ഡലം സെക്രട്ടറി സി.കെ.ഗിരീശൻ മാസ്റ്റർ സ്വാഗതവും, ബാബു പാലാഴി നന്ദിയും പറഞ്ഞു. സജിനി ഇടപ്പള്ളി ' വൻസൻ തുളിപ്പ്, ലിബീഷ് അരിക്കുളം തുടങ്ങിയവർ ധർണ്ണക്ക് നേതൃത്വം നൽകി.