തറമ്മൽ മുക്ക് - മമ്മിളി താഴെ റോഡ് ഗതാഗത യോഗ്യമാക്കണം; കോൺഗ്രസ്

അരിക്കുളം: കാവുന്തറ - ചങ്ങരം വെള്ളി റോഡിന്റെ ഭാഗമായ തറമ്മൽ മുക്ക് - മമ്മിളിതാഴെ ഭാഗം പൊട്ടിപൊളിഞ്ഞ് പൂർണ്ണമായും തകർന്ന് കാൽനടയാത്ര പോലും ദുസ്സഹമായ സ്ഥിതിയിലാണ്. റോഡിൽ വലിയ കുഴികൾ രൂപപ്പെട്ടത് കൊണ്ട് ഇരുചക്ര വാഹനങ്ങൾ ഉൾപ്പെടെയുള്ളവർ വളരെ ബുദ്ധിമുട്ട് അനുഭവിക്കുന്നുണ്ട്. ഇതിന് അടിയന്തിര പരിഹാരം കാണമെന്ന് അരിക്കുളം മണ്ഡലം നാലാം വാർഡ് കോൺഗ്രസ് കമ്മിറ്റി യോഗം ആവശ്യപ്പെട്ടു. 

      അരിക്കുളം മണ്ഡലം കോൺഗ്രസ് വൈസ് പ്രസിഡന്റ് പത്മനാഭൻ പുതിയടെത്ത് യോഗം ഉദ്ഘാടനം ചെയ്തു. കെ.കെ. കോയക്കുട്ടി അദ്ധ്യക്ഷനായി. മേപ്പയൂർ ബ്ലോക്ക് കോൺഗ്രസ് ഭാരവാഹികളായ കെ. അഷ്റഫ്, ലതേഷ് പുതിയെടത്ത്, അരിക്കുളം മണ്ഡലം ഭാരവാഹികളായ യുസഫ് കുറ്റിക്കണ്ടി, മോഹനൻ ദാസ് ചാത്തോത്ത്, സി.എം. ഗോപാലൻ എന്നിവർ സംസാരിച്ചു.

     പുതിയ ഭാരവാഹികളായി മോഹനൻ പി.എം. (പ്രസിഡൻ്റ്), ഷംസുദ്ധിൻ എരികണ്ടി മീത്തൽ (ജനറൽ സെക്രട്ടറി), നൗഫൽ ആർ., ഷിലാസ് മക്കാട്ട് മീത്തൽ (വൈസ് പ്രസിഡൻ്റുമാർ), റംസുദ്ധിൻ രയരോത്ത്, വിനീഷ് കല്ലാത്തറ (ജോയിൻ്റ് സെക്രട്ടറിമാർ), സി.എം. ഗോപാലൻ (ട്രഷറർ) എന്നിവരെ തെരഞ്ഞെടുത്തു.