പേരാമ്പ്ര ബൈപ്പാസ് റോഡിൽ ഹൈമാസ്സ് ലൈറ്റുകൾ കണ്ണടച്ചു; പ്രതിഷേധവുമായി യൂത്ത് ലീഗ്

പേരാമ്പ്ര: കക്കാട് ബൈപ്പാസ് റോഡിൽ സ്ഥാപിച്ച ഹൈമാസ്സ് ലൈറ്റുകൾ കണ്ണടച്ചതിൽ പ്രതിഷേധവുമായി യൂത്ത് ലീഗ്. കക്കാട് ശാഖ യൂത്ത് ലീഗ് കമ്മിറ്റി യുടെ ആഭിമുഖ്യത്തിൽ മെഴുകുതിരി കത്തിച്ചു പ്രതിഷേധം സംഘടിപ്പിച്ചു. എം എൽ എ യുടെ ആസ്തിവികസന ഫണ്ടിൽ നിന്നും അഞ്ചു ലക്ഷത്തോളം രൂപ ചിലവഴിച്ചാണ് ഹൈമാസ് ലൈറ്റ് സ്ഥാപിച്ചത്.

     കാരാറുക്കാർക്ക് ലക്ഷങ്ങൾ അഴിമതി നടത്താനുള്ള വെള്ളാനകളായി ഇത്തരം പ്രവൃത്തികൾ മാറിയിരിക്കുന്നു എന്നും യൂത്ത് ലീഗ് ആരോപിച്ചു. പഞ്ചായത്ത് മുസ്‌ലിം ലീഗ് വൈസ്പ്രസിഡണ്ട് സി.പി ഹമീദ് ഉദ്ഘാടനം ചെയ്തു. എം.സിയാസർ അദ്ധ്യക്ഷത വഹിച്ചു .എം.സിഅഫ്സൽ, എൻ.കെ അസീസ്, ശംസുദ്ധീൻ ഒ.ടി സംസാരിച്ചു.