കോൺഗ്രസ് നേതാവ് പിലാക്കാട്ട് കേളപ്പൻ്റെ രണ്ടാം ചരമവാർഷികം ആചരിച്ചു

ചെറുവണ്ണൂർ: മണ്ഡലത്തിലെ പ്രമുഖ കോൺഗ്രസ് നേതാവും മുൻ ഗ്രാമ പഞ്ചായത്ത് പ്രസിഡൻ്റും ഡി.സി.സി. മെമ്പറുമായ പിലാക്കാട്ട് കേളപ്പൻ്റെ രണ്ടാം ചരമ വാർഷികം ഒമ്പതാം വാർഡ് കോൺഗ്രസ് കമ്മിറ്റിയുടെ നേതൃത്വത്തിൽ സമുചിതമായി ആചരിച്ചു. വീട്ടുവളപ്പിൽ നടന്ന പുഷ്പാർച്ചനയ്ക്ക് ശേഷം നടന്ന അനുസ്മരണ സമ്മേളനത്തിൽ മണ്ഡലം കോൺഗ്രസ് പ്രസിഡൻ്റ് എം.കെ. സുരേന്ദ്രൻ അദ്ധ്യക്ഷത വഹിച്ചു. ജില്ലാ പഞ്ചായത്ത് പയ്യോളി ഡിവിഷൻ സ്ഥാനാർത്ഥിയായ വില്യാപ്പള്ളി ബ്ലോക്ക് കോൺഗ്രസ് പ്രസിഡൻ്റ് പി.സി. ഷിബ ഉദ്ഘാടനം ചെയ്തു.

     മുതിർന്ന കോൺഗ്രസ് നേതാവ് എടോളി കുഞ്ഞബ്ദുള്ള, ഡി.സി.സി. സെക്രട്ടറി ഇ. അശോകൻ, ബ്ലോക്ക് കോൺഗ്രസ് പ്രസിഡൻ്റ് കെ.പി. രാമചന്ദ്രൻ, ടി.പി. നാരായണൻ, പേരാമ്പ്ര ബ്ലോക്ക് പഞ്ചായത്ത് ആവള ഡിവിഷൻ സ്ഥാനാർത്ഥി വി.ബി. രാജേഷ്, എ.കെ. ഉമ്മർ, പേരാമ്പ്ര ബ്ലോക്ക് ചെറുവണ്ണൂർ ഡിവിഷൻ യു.ഡി.എഫ്. സ്ഥാനാർത്ഥിയും മുസ്‌ലിം ലീഗ് നേതാവുമായ ആദില നിബ്രാസ്, ആർ.പി. ശോഭിഷ്, എം.പി. വിനിഷ്, രവീന്ദ്രൻ, പി.പി. ഗോപാലൻ, ബഷീർ കറുത്തെടുത്ത്, ഇ.പി. സജീവൻ, നിഷ മലയിൽ, വി.പി. കുഞ്ഞബ്ദുള്ള എന്നിവർ സംസാരിച്ചു. വി. ദാമോദരൻ സ്വാഗതവും എ. ബാലകൃഷ്ണൻ നന്ദിയും പറഞ്ഞു.