കോഴിക്കോട് ജില്ലാ പഞ്ചായത്തിൽ യു.ഡി.എഫ് ഭരണം വരും - സത്യൻ കടിയങ്ങാട്

കോഴിക്കോട്: ജില്ലാ പഞ്ചായത്ത് ഭരണം ഇത്തവണ യു.ഡി.എഫ് കൈയ്യാളുമെന്ന് കെ.പി.സി.സി. സെക്രട്ടറി സത്യൻ കടിയങ്ങാട് പറഞ്ഞു. ചുണ്ടിനും കപ്പിനുമിടയിലാണ് കഴിഞ്ഞ തവണ ഭരണം നഷ്ടപ്പെട്ടത്. ഇത്തവണ അബദ്ധം സംഭവിക്കില്ല. ജില്ലാ പഞ്ചായത്ത് അരിക്കുളം ഡിവിഷൻ UDF കൺവെൻഷൻ ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. മേപ്പയ്യൂർ ബ്ളോക്ക് കോൺഗ്രസ് കമ്മറ്റി പ്രസിഡണ്ട് കെ.പി. രാമചന്ദ്രൻ അധ്യക്ഷത വഹിച്ചു.

      മുസ്ലീംലീഗ് നേതാവ് എം. കുഞ്ഞായൻ കുട്ടി, ഡി.സി.സി. സെക്രട്ടറിമാരായ ഇ. അശോകൻ , രാജേഷ് കീഴരിയൂർ, സി.രാമദാസ്, കെ.പി. വേണുഗോപാലൻ, കെ.എം. സുരേഷ്ബാബു, കൂമുള്ളി കരുണൻ, പ്രമോദ് ചെങ്ങോട്ട് കാവ്, ഇടത്തിൽ ശിവൻ, ടി.യു. സൈനുദ്ദീൻ, രമേശ് മനത്താനത്ത് , പി. കുട്ടിക്കൃഷ്ണൻ നായർ, ഇ.കെ. അഹമ്മദ് മൗലവി, സി. നാസർ, ലത കെ. പൊറ്റയിൽ, ഹാഷിം കാവിൽ, അരവിന്ദൻ മേലമ്പത്ത്, നാരായണി കെ.എം, ലതേഷ് പുതിയേടത്ത് പ്രസംഗിച്ചു.

      ഭാരവാഹികളായ ചെയർമാൻ :ടി.യു. സൈനുദ്ദീൻ വർക്കിംഗ് ചെയർമാൻ : എം. കുഞ്ഞായൻ കുട്ടി, ജനറൽ കൺവീനർ: രമേശ് മനത്താനത്ത് , ഖജാൻജി: ശശി ഊട്ടേരി എന്നിവരെ തെരഞ്ഞെടുത്തു.