മേപ്പയ്യൂർ പഞ്ചായത്ത് ഭരണത്തിനെതിരെ വിധി എഴുതണം: യുഡിഎഫ്

മേപ്പയ്യൂർ: കഴിഞ്ഞ 63 വർഷത്തെ മേപ്പയ്യൂർ ഗ്രാമപഞ്ചായത്തിൻ്റെ ഇടതു ദുർഭരണത്തിനെതിരെ ഈ തെരെഞ്ഞെടുപ്പിൽ വിധി എഴുതണമെന്ന് മുസ്‌ലിം ലീഗ് ജില്ലാ വൈസ് പ്രസിഡൻ്റ് എസ്.പി കുഞ്ഞമ്മദ് പ്രസ്താവിച്ചു.മേപ്പയ്യൂർ പഞ്ചായത്ത് യു ഡി എഫ് കമ്മിറ്റി സംഘടിപ്പിച്ച കുറ്റവിചാരണ യാത്ര കീഴ്പ്പയ്യൂർ പള്ളിമുക്കിൽ ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.

    യു.ഡി.എഫ് തെരെഞ്ഞെടുപ്പ് കമ്മിറ്റി ചെയർമാൻ ഇ.കെ മുഹമ്മദ് ബഷീർ അധ്യക്ഷനായി. കൺവീനർ,കമ്മന അബ്ദുറഹിമാൻ, ഇ.അശോകൻ, എം.എം അഷറഫ്, ടി.കെ ലത്തിഫ്, കെ.പി.രാമചന്ദ്രൻ, കെ.പി.വേണുഗോപാൽ, കെ.എം സുരേഷ് ബാബു,പറമ്പാട്ട് സുധാകരൻ,വിളയാട്ടൂർ ബ്ലോക്ക് ഡിവിഷൻ സ്ഥാനാർത്ഥി ഷർമിന കോമത്ത്, ഒന്നാം വാർഡ് സ്ഥാനാർത്ഥി ഇല്ലത്ത് അബ്ദുറഹിമാൻ സംസാരിച്ചു. ഗ്രാമപഞ്ചായത്തിലേക്ക് മത്സരിക്കുന്ന 19 സ്ഥാനാർത്ഥികൾ, ബ്ളോക്ക് പഞ്ചായത്തിലേക്ക് മത്സരിക്കുന്ന 4 സ്ഥാനാർത്ഥികൾ, യു.ഡി.എഫ് നേതൃസമിതി അംഗങ്ങൾ എന്നിവർ ജാഥാ സ്ഥിരാഗംങ്ങളായിരുന്നു. ജാഥാ കോഡിനേറ്റർ എ.കെ ബാലകൃഷ്ണൻ, കെ.എം.എ അസീസ്, സി.പി നാരായണൻ, എ ടയിലാട്ട് ഉണ്ണികൃഷ്ണൻ, മുജീബ് കോമത്ത്, ഷബീർ ജന്നത്ത്, സത്യൻ വിളയാട്ടൂർ, ഐ.ടി അബ്ദുൽ സലാം, കീപ്പോട്ട് അമ്മത്, ബ്ലോക്ക് ഡിവിഷൻ സ്ഥാനാർത്ഥികളായ സി.എം.ബാബു, സഞ്ജയ് കൊഴുക്കലൂർ, എം.കെ ഫസലുറഹ്മാൻ എന്നിവർ വിവിധ സ്വീകരണ കേന്ദ്രങ്ങളിൽ സംസാരിച്ചു.