മേപ്പയൂരിൽ യു.ഡി.എഫ്. പ്രകടന പത്രിക പ്രകാശനം ചെയ്തു

മേപ്പയൂർ: പഞ്ചായത്ത് യു.ഡി.എഫ്. കമ്മിറ്റി ഗ്രാമപഞ്ചായത്ത് പ്രകടന പത്രിക പ്രകാശനം ചെയ്തു. തരിശായി കിടക്കുന്ന ജില്ലയിലെ നെല്ലറ എന്ന് വിശേഷിപ്പിക്കുന്ന കരുവോട്, കണ്ടം ചിറ നെല്ല് ഉത്പാദന കേന്ദ്രങ്ങൾ പൂർണ്ണമായും കൃഷിയോഗ്യമാക്കും, പഞ്ചായത്തിൻ്റെ പ്രധാന കേന്ദ്രങ്ങളിൽ വെറ്റിനറി സബ് സെൻ്ററുകൾ സ്ഥാപിക്കും, മേപ്പയൂർ കുടുംബാരോഗ്യ കേന്ദ്രത്തിൽ കിടത്തി ചികിത്സ ആരംഭിക്കും, മേപ്പയൂർ ടൗണിലുള്ള പഞ്ചായത്ത് ബസ് സ്റ്റാൻ്റ് ആധുനിക രീതിയിൽ പുതുക്കിപ്പണിയും, മേപ്പയൂരിൽ മിനി സിവിൽ സ്‌റ്റേഷൻ സ്ഥാപിക്കും, വനിതകൾക്ക് തൊഴിൽ സംരംഭങ്ങൾ ആരംഭിക്കും, പഞ്ചായത്ത് ഓഫീസ് പ്രവർത്തനം കാര്യക്ഷമമാക്കും തുടങ്ങിയ പ്രധാന വാഗ്ദാനങ്ങളാണ് പ്രകടന പത്രികയിൽ അവതരിപ്പിക്കുന്നത്.

      മേപ്പയൂർ ഇന്ദിരാ ഭവനിൽ നടന്ന ചടങ്ങിൽ ഗ്രാമപഞ്ചായത്ത് അംഗം ശ്രീനിലയം വിജയൻ പ്രകാശന കർമ്മം നിർവ്വഹിച്ചു. യു.ഡി.എഫ്. പഞ്ചായത്ത് തെരെഞ്ഞെടുപ്പ് കമ്മിറ്റി ചെയർമാൻ ഇ.കെ. മുഹമ്മദ് ബഷീർ അദ്ധ്യക്ഷനായി. കമ്മന അബ്ദുറഹിമാൻ, സി.പി നാരായണൻ, പറമ്പാട്ട് സുധാകരൻ, മുജീബ് കോമത്ത്, വിജയൻ മയൂഖം എന്നിവർ സംസാരിച്ചു.