തദ്ദേശ ഭരണത്തിന്റെ ചിത്രം വ്യക്തമാകുന്നു, 532 ഗ്രാമപഞ്ചായത്തുകളിൽ യുഡിഎഫ്
ഗ്രാമപഞ്ചായത്തുകളില് 532 എണ്ണം യുഡിഎഫിനൊപ്പം ചേര്ന്നപ്പോള് 358 ഗ്രാമപഞ്ചായത്തുകള് എല്ഡിഎഫിന് സ്വന്തം
NDR News
28 Dec 2025 07:13 PMതിരുവനന്തപുരം: പഞ്ചായത്തുകളിലെ അധ്യക്ഷ തെരഞ്ഞെടുപ്പ് അവസാനിച്ചതോടെ കേരളത്തിലെ തദ്ദേശ സ്ഥാപനങ്ങളിലെ ഭരണ ചിത്രം വ്യക്തമാവുകയാണ്. അധ്യക്ഷ സ്ഥാനത്തിന് വേണ്ടിയുള്ള തര്ക്കങ്ങള്, കൂറുമാറ്റം, പിണക്കം, കയ്യബദ്ധങ്ങള് തുടങ്ങിയവയ്ക്കെല്ലാം ഈ തെരഞ്ഞെടുപ്പും സാക്ഷിയായിരുന്നു. ഇതിന് പിന്നാലെയാണ് തദ്ദേശ തെരഞ്ഞെടുപ്പിന്റെ ചിത്രം വ്യക്തമാകുന്നത്.
സംസ്ഥാനത്തെ ആകെ 941 ഗ്രാമപഞ്ചായത്തുകളില് 532 എണ്ണം യുഡിഎഫിനൊപ്പമാണ്. 358 ഗ്രാമപഞ്ചായത്തുകള് മാത്രമാണ് എല്ഡിഎഫിന് സ്വന്തമാക്കാന് കഴിഞ്ഞത്. എന്ഡിഎ 30 തദ്ദേശ സ്ഥാപനങ്ങളിൽ ഭരണനിയന്ത്രണം സ്വന്തമാക്കി. സ്വതന്ത്രരും മറ്റുകക്ഷികളും ചേര്ന്ന് എട്ടിടത്താണ് അധികാരത്തിലെത്തിയത്.
