തൊഴിലിലുറപ്പ് നിയമത്തെ ഞെക്കി കൊല്ലാനുള്ള നീക്കത്തിനെതിരെ അരിക്കുളത്ത് കോൺഗ്രസ് ധർണ

അരിക്കുളം: തൊഴിലില്ലായ്‌മ ലഘുകരണം ലക്ഷ്യമിട്ട് കോൺഗ്രസ് സർക്കാർ കൊണ്ടുവന്ന ചരിത്ര നിയമത്തെ ഞെക്കി കൊല്ലാനുള്ള നീക്കത്തിനെതിരെ എന്ന മുദ്രാവാക്യമുയർത്തി അരിക്കുളം മണ്ഡലം കോൺഗ്രസ് കമ്മറ്റി പോസ്റ്റ് ഓഫീസിന് മുൻപിൽ ധർണാ സമരം സംഘടിപ്പിപ്പിച്ചു. യൂത്ത്കോൺഗ്രസ് നേതാവ് ജിതേഷ് മുതുകാട് ഉദ്ഘാടനം ചെയ്തു.

    മഹാത്മാ ഗാന്ധി തൊഴിലുറപ്പ് പദ്ധതിയിൽ നിന്നും മഹാത്മാവിൻ്റെ പേര് എടുത്തുമാറ്റാനും പദ്ധതി ഇല്ലാതാക്കാനുള്ള കേന്ദ്ര സർക്കാർ നീക്കത്തെ ചെറുത്തു തോൽപ്പിക്കണമെന്ന് അദ്ദേഹം പറഞ്ഞു. മണ്ഡലം കോൺഗ്രസ് കമ്മറ്റി പ്രസിഡണ്ട് ശശി ഊട്ടേരി ആധ്യക്ഷത വഹിച്ചു. ലത പൊറ്റയിൽ, സി.രാമദാസ്, അരവിന്ദൻ മേലമ്പത്ത്, സജിത എളമ്പിലാട്ട്, കെ.എം. നാരായണി, കെ.അഷറഫ് മാസ്റ്റർ, ഒ.കെ. ചന്ദ്രൻ മാസ്റ്റർ, രാമചന്ദ്രൻ നീലാംബരി, എസ്.മുരളീധരൻ, ടി.ടി.ശങ്കരൻ നായർ, മുഹമ്മദ് എടച്ചേരി, അനിൽകുമാർ അരിക്കുളം, രതീഷ് അടിയോടി എന്നിവർ സംസാരിച്ചു.