എൻഎസ്എസ്-എസ്എൻഡിപി യോഗം ഐക്യമില്ല; തീരുമാനം എൻഎസ്എസ് യോഗത്തിൽ
എന്എസ്എസിന്റെ അടിസ്ഥാനമൂല്യങ്ങളില് നിന്ന് വ്യതിചലിക്കാനാവില്ല
NDR News
26 Jan 2026 04:28 PMകോട്ടയം: എന്എസ്എസ്- എസ്എന്ഡിപി യോഗം ഐക്യമില്ല. പെരുന്നയില് ചേര്ന്ന എന്എസ്എസ് ഡയറക്ടര് ബോര്ഡ് യോഗത്തിലാണ് നിര്ണായക തീരുമാനം. എന്എസ്എസ്എ-സ്എന്ഡിപി യുമായി ഐക്യത്തോടെ മുന്നോട്ട് പോകേണ്ടതില്ലെന്നാണ് യോഗ തീരുമാനം. എന്നാല് എസ്എന് ഡിപിയോട് സൗഹാര്ദ്ദത്തില് വര്ത്തിക്കാനാണ് എന്എസ്എസിന്റെ ആഗ്രഹമെന്നും യോഗം വിലയിരുത്തി.
'പല കാരണങ്ങളാലും പല തവണ എന്എസ്എസ്- എസ്എന്ഡിപി ഐക്യം വിജയിക്കാത്ത സാഹചര്യത്തില് വീണ്ടും ഒരു ഐക്യശ്രമം പരാജയമാകുമെന്ന കാര്യം ഇപ്പോഴത്തെ രാഷ്ട്രീയ സാഹചര്യങ്ങളാല് തന്നെ വ്യക്തമാകുന്നു. എന്എസ്എസിന്റെ അടിസ്ഥാനമൂല്യങ്ങളില്നിന്ന് വ്യതിചലിക്കാനും ആവില്ല. അതിനാല് വീണ്ടും ഒരു ഐക്യം പ്രായോഗികമല്ല', എന്ന് എന്എസ്എസ് ജനറല് സെക്രട്ടറി ജി സുകുമാരന് നായര് പുറത്തിറക്കിയ വാര്ത്താ കുറിപ്പില് വ്യക്തമാക്കി.
