എസി കോച്ചുകളിലെ ആർ എ എസി യാത്രക്കാർക്ക് പൂർണ്ണ ബെഡ് റോൾ കിറ്റ് നല്കണമെന്ന് റെയിൽവെ

ന്യൂഡൽഹി: ആർഎസി ടിക്കറ്റിൽ യാത്ര ചെയ്യുന്നവർക്ക് പൂർണ്ണമായ ബെഡ്റോൾ കിറ്റ് ബെഡ്ഷീറ്റുകളും കമ്പിളിയും നിർബന്ധമായും നൽകണമെന്ന് വ്യക്തമാക്കി റെയിൽവേ ഉത്തരവിറക്കി.ഓഗസ്റ്റ് നാലിന് റെയിൽവേ ബോർഡ് എല്ലാ സോണൽ റെയിൽവേകൾക്കും ഇത് സംബന്ധിച്ച് കർശന നിർദ്ദേശം നൽകി.2009 മുതൽ ഈ നിയമം നിലവിലുണ്ടെങ്കിലും, പല ട്രെയിനുകളിലും RAC യാത്രക്കാർക്ക് ബെഡ്റോൾ ലഭിക്കുന്നില്ലെന്നോ ഭാഗികമായി മാത്രമേ നൽകുന്നുള്ളൂ എന്നോ ഉള്ള പരാതികൾ വർദ്ധിച്ച സാഹചര്യത്തിലാണ് റെയിൽവേ ബോർഡ് വീണ്ടും നിർദ്ദേശം പുതുക്കി നൽകിയത്.

        എസി ചെയർ കാർ ഒഴികെയുള്ള എല്ലാ എസി കോച്ചുകളിലെയും RAC യാത്രക്കാർക്കും കൺഫേം ആയ യാത്രക്കാർക്ക് ലഭിക്കുന്നത് പോലെ തന്നെ പൂർണ്ണ ബെഡ്റോൾ കിറ്റ് നൽകണം വകുപ്പ് മന്ത്രി റയിൽവേക്ക് നിർദേശം നൽകി.