സോണിയ ഗാന്ധിയെ പ്രതിഷേധമറിയിച്ച് വന്ദേമാതരത്തിന്റെ രചയിതാവ് ബങ്കിം ചന്ദ്ര ചാറ്റർജിയുടെ കുടുംബം

ന്യൂഡൽഹി: എഐസിസി ആസ്ഥാനത്തെ വന്ദേമാതര ആലാപന വിവാദത്തിൽ, സോണിയാ ഗാന്ധിയെ പ്രതിഷേധമറിയിച്ച് വന്ദേമാതരത്തിന്റെ രചയിതാവ് ബങ്കിംചന്ദ്ര ചാറ്റർജിയുടെ കുടുംബം. സോണിയ ഗാന്ധി മാപ്പ് പറയണമെന്ന് ആവശ്യപ്പെട്ട് പശ്ചിമബംഗാളിലെ ബിജെപി എം പി കൂടിയായ സുമിത്രോ ചാറ്റർജി കത്തെഴുതി. സംഭവം നിർഭാഗ്യകരമാണെന്നും ബംഗാൾ ജനതക്ക് കടുത്ത അപമാനമായെന്നും കത്തിൽ പറയുന്നു. വന്ദേ മാതരത്തെ ദേശഭക്തിയുള്ളവർ അപമാനിക്കില്ലെന്ന് ബിജെപി പറഞ്ഞു.

     വിവാദത്തിൽ സോണിയാ ഗാന്ധിയും രാഹുൽ ഗാന്ധിയും ഇരുപത്തിനാലു മണിക്കൂറിനുള്ളിൽ മാപ്പു പറയണമെന്ന് ബിജെപി ആവർത്തിച്ചു. എഐസിസി ആസ്ഥാനത്ത് വന്ദേ മാതരത്തെ അപമാനിച്ചുവെന്ന് ബിജെപി വക്താവ് പ്രദീപ് ഭണ്ഡാരി പ്രതികരിച്ചു. നക്സൽ ആശയങ്ങൾ തലയിൽ കൊണ്ടു നടക്കുന്നവരാണ് ഇത് ചെയ്യുന്നത്. വന്ദേമാതരത്തിൽ കടുത്ത അസ്വസ്ഥത കോൺഗ്രസ് നേതാക്കൾ പ്രകടിപ്പിക്കുന്നുതായി അദ്ദേഹം പറഞ്ഞു.