ഇടതുപക്ഷത്തിൽ വലതുപക്ഷ ചിന്താഗതിയുള്ളവരുണ്ട് :പിണറായി വിജയൻ

കണ്ണൂർ: ഇടതുപക്ഷത്തിന്റെ വേഷമണിഞ്ഞ വലതുപക്ഷത്തെ തിരിച്ചറിയണമെന്ന് പ്രതിപക്ഷ നേതാവ് പിണറായി വിജയൻ. യഥാർത്ഥ ഇടതുപക്ഷത്തിന്റെ വേഷമണിഞ്ഞ് വലതുപക്ഷത്തെ ആക്രമിക്കുന്നവരാണ് അപകടകാരികളെന്നും ഇവരെ നേരിടാൻ ജാഗ്രത വേണമെന്നും അദ്ദേഹം പറഞ്ഞു.

       ഇത്തരക്കാരുടെ ഇരട്ടത്താപ്പ് തിരിച്ചറിയണം. ഇടതുപക്ഷത്തെ മാത്രം നോക്കിയാണ് തുടർഭരണം അപകടമാണെന്ന് ചിലർ പറയുന്നത്. ഇത് ശരിയാണെന്ന് വിശ്വസിക്കുന്നവരോട് ‘ഹാ കഷ്ടം’ എന്നേ പറയാൻ കഴിയൂവെന്നും പിണറായി വിജയൻ വിമർശിച്ചു.

       പഴയ നേതാക്കൾ നല്ലവരും പുതിയ നേതാക്കൾ മോശക്കാരുമാണെന്ന പ്രചാരണവും ചിലർ നടത്തുന്നുണ്ട്. എന്നാൽ മരിച്ചുപോയ നേതാക്കൾക്ക് തിരിച്ചുവന്ന് പാർട്ടിയെ നയിക്കാൻ കഴിയില്ല. പാർട്ടി നല്ലതാണ്, എന്നാൽ നേതാക്കൾ കൊള്ളില്ലെന്ന് പറയുന്നവരുമുണ്ട്.

        പഴയ നേതാക്കൾ കെട്ടിപ്പടുത്ത പാർട്ടി തന്നെയാണ് ഇന്നത്തെ നേതാക്കളെയും സൃഷ്ടിച്ചതെന്നും പിണറായി വിജയൻ പറഞ്ഞു.